أبغى مساعدتكم..

السلام عليكم
ودي اطرح مشكلتي والقى الحلول المناسبة

صار لي ثلاث سنوات متزوجة والحمد لله زوجي يحبني وما مقصر علي بشي
بس في طبايع تضايقني منه

وقبل ما اعرض المشكلة ..بالنسبة لشخصيتي أنا كثير طيبة واسامح كثير وما عاند أبدا ولا ارفع صوتي عليه وما أنكر ان في مواقف تصير فيها مشادات كلامية وأعصب وأبكي بس بالنهاية ارخي وتنحل الأمور

اول مشكلة هو عصبي كثير يعني أتفه الأمور تخليه يعصب وأكثر من مره أنبهه على
هالموضوع وأقوله في اشيا تستأهل انك تعصب عليها بس في أشياء مايستاهل الشخص يعصب منها

ثاني مشكلة اذا عصب علي من شي سويته سواء كلمه مني ما عجبته او تصرف معين ما يعطيني فرصة أبرر له ولا يسمع مني شي يا يحقرني او يكلمني بطريقة جافة باليومين او ثلاثة ايام لين يطيح اللي برأسه ويرجع طبيعي وكلمته اكثر من مره وقلت له الطريقة هذي ما تعجبني منك وتخليني احترق من داخلي وبعدها بكل برود يرجع يكلمني عادي

ثالث مشكلة اذا بطلع مكان مع صديقاتي او خواتي استأذن منه وأقوله بروحه المكان مع فلان وفلان طبعا ايام يخليني على راحتي بس يقولي لاتتاخري ومايدق علي ويزعجني

وأيام أقوله بطلع مع أختي او اي احد ثاني يرفض وأبدا أقنعه واترجى لين يوافق بس بشرط يحدد لي يقولي مثلا ساعتين بالكثير وإنتي راجعة ويبدأ يتصل لي كل شوي عشان يتطمن رجعت ولا لا وانزعج اكثر لما أكون رايحة مثلا اشتري أشياء ضرورية وما قدر اروح معاه لان احتاج البنات معاي
وإذا تأخرت عن الوقت المحدد لي يشنها حرب علي ويتم باليومين يكلمني من خشمه

أتمنى تنصحوني او تعطوني حل للعصبية وعناد وتطنيش زوجي لآني تعبت