أبغى مساعدتكم في تنسيق إدارتي لو سمحتووو

السلام عليكم و رحمة الله و بركاته
أخواتي حابة إنكم تساعدوني في الحيرة اللي أنا فيها ، حبايب قلبي أنا مديرة مدرسة و نقلنا مبنى حكومي جديد و طبعا لازم أرتب و أنسق الإدارة فياليت إنكم تساعدوني في آراءكم و اقتراحاتكم لأني تعبت و أنا أدورفي النت ما ألاقي إلا تنسيق ديكورات منازل و بس ، الإدارة عندي كبييييييرة فيها صالة انتظار يمكن 5×6 حطيت فيها كنب و طاولات و سجادة تناسبها ، و بعدين فيه زي المدخل الصغير يمكن 3×2 هدا اللي ماني عارفه إيش أسوي أو أحط فيه للآن فااااااااضي المشكلة إنه الجدار الرئيسي فيه شباكين كبيرة ما أدري كيف أستغلها أو أرتبها ، نجي للمهم غرفة المديرة يمكن 8×6 أولا الجدار تنصحوني أسويه بوية و إلا غيره أنا فكرت إني أسوي جدر أو اثنين ورق جدران و الجدارين الباقية بوية سادة و ماني عارفة إيش اللون اللي يناسب إدارة أو مكان عمل رسمي ، أحط في الإدارة رفوف و إلا ما تحتاج ؟ نفسي أسوي شلال و صوت الموية بس ماني عارفة فين أحطه . من جد تعبت و أنا أفكر ماني قادرة أوصل لتنسيق ديكور حلو و مرتب و أنيق في نفس الوقت ياليت اللي عندها فكرة ما تبخل علي أو اللي زارت مدرسة بناتها و عجبتها فكرة مسويتها المديرة تقولها و الله يفرج همكم ياااااارب و شكرا جزيلا للي تتفضل و ترد .

شاكرة و مقدرة تعاونكم أبقاكم الله ذخر
دمتم بود