أبغى مساعدتكم يابنات في مشروع ناجح خالي من المحاذير الاسلامية (اختكم في ضيقة)

أنا موظفة من 10 سنوات كل اللي جمعته راااااااااح في لحظة في الأسهم مابقي لي من تحويشة العمر ولا ريال بل بالعكس اتجرع مرارة الديون المتراكمة عليه أدخل في جمعيات علشان أسدد ديوني باقي علي 50 ألف وانتهي من الدين والحمد لله على كل حال أصابني هم وغم مريت بظروف لا يعلمها ألا الله حسيت بطعم الريال .
أحيانا أقوم وسط الليل من هم الدين ومن كرف السنوات اللي راح عيالي ماعاد أطلعهم لأحد لأني ما أقدر أشتري ملابس زوجي مثلي ننتظر نهاية الشهر متى يطلع الراتب :09: .
تخيلوا مع أني موظفة لكن هذي السنة مالبست جديد ولا دخلت سوق لأني ما معي فلوس الكل ملاحظ علي زميلات في العمل يقول وش فيك متغيرة مو أنتي اللي نعرفها وحسبي الله على من كان السبب .
فكرت أخذ قرض من الراجحي وأسوي لي مشروع يحسن مستواي شوي وقلت مالي ألا أخواتي في المنتدى لأني مطفرة مفلسة والحمد لله .
يا أخواتي ساعدوني الله يوفقكم طرحت الفكرة على زوجي وهو المسكين مايقدر ياخذ قرض لأن عليه قرض أبغى مشروع من تجربة واللي تساعدني أبدعي لها من كل قلبي جعلكم في الجنة ..

المشروع أبغاه خالي من المحاذير الشرعية ولا فيه محرم أو شبهة ..