يا الله يا سندويشة تونه كلامك رائع صادق ومؤثر أسعدني الله يسعدم دنيا وآخره
أتشكر منك ومن زوجك .. بخليه يقرأ الرد
قلتي بالضبط الكلام الي أقوله لزوجي أقول له خذ بكالوريس بجامعة عن بعد عندنا الجامكعة العربية المفتوحة رااااائعة بالبحرين وفيها التخصص الي بيغاها وهو برمجة حاسب وتدوام يومين بالأسبوع وآرمكو معترفة فيها
لكن هو وده ببرا مره يقول الدراسة قوية وكذا

وصراحة الميزانية عالكلام الي قلته ما تغطي ولا الربع حنا بنبيع كل شيء ياالله نطلع 30 او 40 ألف زوجي متخرج من الثانوي من 8 سنوات تقريبا عمره الآن 24 سنة

نسيت ما أقول لك عندنا طفل عمره سنة والسعودية هنا حياتنا مريحة وراتبنا فوق التسع زوجي توه متخرج دبلوم عالي كمياء صناعية وقريب ماسك الوظيفة بآرمكو يعني صار له 8 أشهر تقريبا
ومتحمس للدراسة
وآرمكوا لأنه متجتهد دخلته دورة برمجة كمبيوتر على حسابها 12 ألف لمدة 3 أشهر
بس هو وده يسافر ويدرس ويكمل بعد ماجستر

والله أخاف من أحلامه ما أدري وين بتودينا الله يستر

بنفس الوقت ماودي دايم أكون عقبة في طريقه يعني دايم ان ما أحب نجازف واخاف من المستقبل
واحب الآمان حتى لو كان قليل يعني السفت وي شيء مهم عندي

أقوله إذا بتبعثنا الحكومة اوكي
إذا على حسابنا مستحيل السيارة ما صار لنا 4 شهور شارينها يقول بيبعها عشان السفر
الله يعين يا ختي ويسهل الأمور كلها
وما قصرتي مره ثاني وتوقعاتي انه بيتأثر بكلامك

اول شي قبل لاتجو لازم زوجك يدور قبول في جامعة امريكية ..

بعدين اذا جاله القبول يقدم على بعثة من ارامكو ..

نصييييييييحة لاتجو بدون بعثة ..الدراسة على حسابكم مرة ماتخارج ..راح تفكرو في ايش والا ايش ..مصاريف التذاكر والسفر والا الاجار والشقة والمعيشة والسيارة والا الدراسة ..

الله يعينكم ويختار لكم اليي فيه الخير ..

مرحبا أختي قلب المرسى
أنا أسمي حواء مب فوا
أنا من ولاية Louisana ومدينه Lafayette
السكن ندفع فيها $700 ل
2 room،،،
2 bathroom
مطبخ + صاله
إنتي وزوجك تقدرون تاخذون شقه 500$ ل غرفة نوم + حمام + مطبخ + صاله
آما عن العلاج ،، آنا الحمد لله كملت 4 سنوات ما مرضت وما دخلت عيادة إلا حق تطعيم ولدي ،،
الكهربا والموبايل ياخذون ما بين 200-250 $
أما الاكل كل شهر 200 $
الدراسه زوجي يقول رخيصة بس ما أعرف جم لكلاس واحد
يقدر زوجك يدخل السايت حق الجامعه
أسم الجامعه University of Louisana at Lafayette
ودمتم

السلام عليكم
انا من بريطانيا معليش على اللقافه بس كنت اريد المساعده
ارامكو شركه زينه والكل يمدح فيها عندنا واحد مبتعث من ارمكو لدراسة بكالوريس على حساب الشركه خلي زوجك يشوف الشركه يمكن تبتعثه على حسابها وكذا توفرون فلوسكم
الحياه غاليه سواءفي بريطانيا اوامريكا نحن يله نعيش مبتعثين من الحكومه اجل كيف المبتعث على حسابه
نصيحه خلي زوجك يحسبها صح وليش العجله وعندي في المدينه الى عايشه فيها طلاب كثر من ارمكو يدرسون دراسات عليا وبكالوريوس
وانا مع الاخت ساندوتش تونه
اذا زوجك له رغبه قويه في تكملة الدراسه ينتسب لجامعه واذا خلص اكيد بيبتعثونه للخارج
والله يوفقكم ويسر اموركم وعليكم بالاستخاره

هلا اختي قلب المرسى
الحياة هنا صعبة بصراحة.
و من تعود على الرفاهية او حتى مجرد ان كل الامكانيات ببلده متوفره فمن الصعب عليه ان يصمد امام الغلاء الفاحش هنا بامريكا.
الكلام يختلف من اخت لاخرى و انا اعيش بواشنطن دي سي و الصراحة غلاء في غلاء و الكراء لوحده لغرفة نوم و صالون صغير و حمام و مطبخ=1200 دولار تقريبا!!
و حيثما كان زوجك كوني معاه((نصيحة من اخت لاختها)).