أبغى منكم صور تسريحات للشعر القصير

مرحبا خواتي
عاد هذا أول موضوع لي بقسم الشعر و ياليت ما تردوني

أنا شعرينوعيته ناعم و قصير بالكاد يغطي الرقبة ... أما الجذلة أو الغرّة توصل فوق الفم ... و قصة شعري" شاقي" قصير مدرج يعني مو طول واحد ..أوكيه ؟؟
طيب ... عرس أخوي في الصيف و أنا متضايقة ان شعري مو طويل لأن كل اللي اعرفهم شعرهم حرير و طويل و أنا طول عمري كان شعري طويل لكن قصيته بعد الولادة لأنه كان يطيح ...

المهم بدون ما أطول عليكم و اقول لكم قصة حياتي لأني معروف عني في الاوساط الاجتماعية اني اذا فتحت فمي ما اسكت و اذا مسكت الكيبورد ما أوقف ,,, ودي منكم تحطون لي تسريحات شعر حلووووة بس بدون ما أرفع شعري ... يعني ابغاها بسيطة و مرتبة بس فيها حركة غريبة ... ودي أجهز التسريحة ما أبغى أسلم نفسي للكوافيرة و بعدين أندم ..

أنتظركم يا خبيرات الشعر و تراني سويت بحث و لا حصلت شي ياليت تساعدوني و راح أكون شاكرة