الله يسعدك ويوفقك اختي ام خالد ويسخرلك زوجك
اهم شي في النيولوك مايكون شي بعيد عن الشخصيه مهما كانت الموضه
ولا يغيرك تغيير جذري وشي مهم انك تكونين عارفه ذوق زوجك الشخصي لان التغيير له
يعني اذا انسان هاديء ورومانسي راح يكون يحب الشكل الطبيعي او على الاقل
القريب من الطبيعي وقيسي على هالشيء والتغيير بحد ذاته حلو في كل شي لانه يكسر الروتين
بس مايكون للنقيض ومن كل قلبي اتمنالك السعاده والقبول

تسلمين يا رويم
أكيد طبعا أصلا ما في أحلى من الشكل الطبيعي لكن التناقض شي فظيع والتغيير بس بشكل مرتب وحلو يسعد النفس ويفرحني وأتمنى يفرح زوجي
وعلى فكره المفروض على كل زوجه تحب زوجها وتحب حياتها تكون سعيده من فتره لفتره تعمل تغيرات وتجديدات في كل شي فى حياتها مثل شكلها ولبسها وبيتها وحتى في تنويع الأكلات مب كله نفس الأكل من 5 سنوات علشان تعمل بهجه وسرور في حياتها مع زوجها وعيالها
وياريت يغنونه الحريم بتجاربهم الحلوه في التغيير والتجديد وطبعا موضوعنا هنا عن المظهر والشكل
أنا لين ألحين أنتظر نصائح أكثر وأجمل لأني بعدني ما عملت شى في شكلي محتاره
بس اشتريت لبس جديد وبعض الماكياج والعطور
وأنتظركم

هلا أختي ^^أم خالد^^


بخصوص شعرك لاتحاولين تقريبينه ولاتقربين المقص منه ( نصيحه)

لانك ذكرتي ان زوجك يحب الشعر الطويل

انا بغيت اغير وشعري كان طوووووووووووويل واسود

رحت صبغته وقصيته

عصب زوجي ورحت بعدها بااسبوع ورجعته اسود

ومن بعدها وشعري خرب ولارجع مثل قبل

وجالسه اطوله

فانتي قولي له قبل عادي اقص شعري ولا لا

احسن لك

واذا على الصبغ فيه بخاخات بالسوق تنباع تحطينها على شعرك وتروح بالماء

واتمنى لك كل الخير من قلبي والله:26: :26:

مشكوره يالغاليه وجه الخير وانت صدق وجه الخير بس ما أقص عليك اللي صار لك صار لي مره قصيت شعري لين كتفي وصبغته لون فاتح وعصب وزعل مني وقال اني مب حلوه بس والله اني كنت أشوف نفسي روعه وكل الناس أهلي وصديقاتي وغيرهم يوم كانوا يشوفوني يقولون لي انك تخبلين بهاللون وقصة الشعر قالوا لي انها بعد وايد مصغرتني بس ما أدري شو السر اللي ما يخلي زوجي يعجبه بس والحمد لله طول شعري ورجع لونه بس والله مليت هو مايمل أنا أفكر اني ما أقصه بس بصبغه لون جديد وأفاجئه يمكن يعجبه هالمره والله يكون في العون شو أسوي ودي أبهر هالريل وهو مب حاسس

هلا ام خالد

طيب اذا على الصبغه اشتري البخاخات الالوان (تروح بالماء)

وسوي هايلات لشعرك فيها وشوفي اذا اعجبه اصبغي واذا مااعجبه بلاها

علشان مايتعب شعرك من كثر الصبغات

اتمنى اكون افدتك .:26: