مرحبا بنات، أكيد كلكم أو أغلبكم سمع بهذا الكتاب والضجة اللي مسونها وعن قانون الجذب، أنا قريت جزء من الكتاب وإقتنعت بطريقة بسيطة بس مب عارفة هل هالشي يتعارض مع الدين أو لا ..بس في شي متشابه هو إن الدين يحض على التفاؤل وفي أدله مثل الحديث القدسي (أنا عند ظن عبدي بي ") وفي حديث شريف عن الرسول عليه الصلاة ووالسلام (تفاءلوا بالخير تجدوه)..بس أنا إحترت لان قريت في بعض المواقع الدينية إن لازم ما نتبع أو نصدق هالقانون اللي يقول إن نجذب الأشياء بتفكيرنا سواء كانت إيجابية أو سلبية...
بس حابه أعرف آرائكم وتجاربكم هل حد جرب هالشي مثلا أو هل صحيح أولازم أتوقف عن قراءته لاأني إحترت.
زهرة الليلاك @zhr_allylak
عضوة فعالة
يلزم عليك تسجيل الدخول أولًا لكتابة تعليق.
"بنت أبوها وامها"
•
اختي انا جربت منه اشياء ولالاأسف كانت سلبيه وبنت عمي داشه دوره عن هذا القانون تقول ان رفيجتها الي معاها في دوام كانت دايمن تتخيل ان زوجها متزوج عليها وتكعد تبجي المهم في يوم من الأيام اكتشفت فعلاً ان زوجها متزوج عليها فانا صرت الحين اطبق القانون بس لاشياء زينه ايجابيه مو سلبيه وشكرا على طرحج لهذا سؤال
غلاوينا
•
السلام عليكم ورحمة الله وبركاته،
انا قريت كتاب السر مع اني كنت اطبقه قبل بدون لا ادري
شوفي حبيبتي كتاب السر باختصار يتكلم عن اشياء ذكرها ديننا الحنيف ( القران والسنة) من زماان بمعنى يحتوي على حسن الظن بالله واليقين به ثم والتوكل عليه مع العمل الصالح والنية الصالحة والتفااااااااااؤل بعد هذه الاشياء كلها رايح يتحقق لج الشي اللي انتي تبينه بس طبعا لاااااااااااااازم يكون مكتوب لج ومقدر وتتقبلين لهذا الامر برحابة صدر وتقولين بينج وبين نفسج انه اللي تعالى ما حقق لج هالامر لانه مو زين لج او مو نصيبج او هذا الوقت اللي تحصلين فيه على هذى الشغلة.
مثال: ذكرت لج من قبل اني كنت اطبقه بدون لا ادري في المرحلة الثانوية كنت ادري بنظام مقررات ومن سجلت فيه بالمدرسة وبعديت اخترت التخصص اللي ابيه احط في بالي مخطط حق المواد اللي بدرسها كل كورس وكل سنة اسوي جذيه لين تخرجت ومشيت على الدراسة اللي انا ابيها * تنبيه لما احط مخطط المواد اكون عملية ومرنة واحط كذى جدول او مادة عشان اذا ما حصلت لي هالمادة احط اللي وراها مو اوقف واقول خلاص ما صار الجدول اللي ابيه*.
حتى بالوظيفة اول ما تعينت كنت اشتغل في مكان ما ابيه واشتغلت فيه 3 سنين وظليت اقدم على اماكن ثانية وادعي ربي واصلي لين تحقق لي هالامر بعد 3 سنين ونقلت خدماتي لمكان وااااايد احسن وافضل الحمدالله مرتاحة فيه "تنبيه طبعا ما اقولج ما كنت امر بحالة ملل وياس وكنت ساعات ابجي اقول خلاص ما راح يتغير شي وحاولت اكيف نفسي مع المكان اللي ما كنت فيه بس عن جد والله ما قدرت"
اخيراااااااااااا، ليش تحتارين بهذى الكتاب انتي جربي وشوفي
1- خطي في بالج شغلة تبينها وتتمنيها
2- احسني الظن بالله واليقين بانج بتاخذينها اذا فيها الخير لج اهم شي
3- بعد عمل الاسباب اللي تتطلبها توكلي على اللي ثم ابدي خطة العمل
والله يوفقج يا رب
وهذى تجربتي الشخصية
انا قريت كتاب السر مع اني كنت اطبقه قبل بدون لا ادري
شوفي حبيبتي كتاب السر باختصار يتكلم عن اشياء ذكرها ديننا الحنيف ( القران والسنة) من زماان بمعنى يحتوي على حسن الظن بالله واليقين به ثم والتوكل عليه مع العمل الصالح والنية الصالحة والتفااااااااااؤل بعد هذه الاشياء كلها رايح يتحقق لج الشي اللي انتي تبينه بس طبعا لاااااااااااااازم يكون مكتوب لج ومقدر وتتقبلين لهذا الامر برحابة صدر وتقولين بينج وبين نفسج انه اللي تعالى ما حقق لج هالامر لانه مو زين لج او مو نصيبج او هذا الوقت اللي تحصلين فيه على هذى الشغلة.
مثال: ذكرت لج من قبل اني كنت اطبقه بدون لا ادري في المرحلة الثانوية كنت ادري بنظام مقررات ومن سجلت فيه بالمدرسة وبعديت اخترت التخصص اللي ابيه احط في بالي مخطط حق المواد اللي بدرسها كل كورس وكل سنة اسوي جذيه لين تخرجت ومشيت على الدراسة اللي انا ابيها * تنبيه لما احط مخطط المواد اكون عملية ومرنة واحط كذى جدول او مادة عشان اذا ما حصلت لي هالمادة احط اللي وراها مو اوقف واقول خلاص ما صار الجدول اللي ابيه*.
حتى بالوظيفة اول ما تعينت كنت اشتغل في مكان ما ابيه واشتغلت فيه 3 سنين وظليت اقدم على اماكن ثانية وادعي ربي واصلي لين تحقق لي هالامر بعد 3 سنين ونقلت خدماتي لمكان وااااايد احسن وافضل الحمدالله مرتاحة فيه "تنبيه طبعا ما اقولج ما كنت امر بحالة ملل وياس وكنت ساعات ابجي اقول خلاص ما راح يتغير شي وحاولت اكيف نفسي مع المكان اللي ما كنت فيه بس عن جد والله ما قدرت"
اخيراااااااااااا، ليش تحتارين بهذى الكتاب انتي جربي وشوفي
1- خطي في بالج شغلة تبينها وتتمنيها
2- احسني الظن بالله واليقين بانج بتاخذينها اذا فيها الخير لج اهم شي
3- بعد عمل الاسباب اللي تتطلبها توكلي على اللي ثم ابدي خطة العمل
والله يوفقج يا رب
وهذى تجربتي الشخصية
الصفحة الأخيرة