أبغي افتح صفحة جديدة مع أهل زوجي ممكن نصايحكــــــــــم ؟

السلام عليكم جميعا خواتي العزيزات المتزوجات و الانسات ......... :)
خواتي ابغي نصايحكم و ارشاداتكم و كل شي تشوفينه صح و من خبراتكم الزوجية و العلاقات الاجتماعية و الاسرية مع أهالي أزواجكم , لاني بفتح صفحة جديدة معهم مع تعامل جديد ... كيف ؟ أقولكم كيف : أنا صارلي متزوجة فترة قرابة 5 سنين و خلال الخمس السنين كانت تصير بينا مشاكل كثيرة و عديدة , و كلامهم دائما كان يجرحني و انا لاني طيبة والله مارد عليهم بكملة وحدة بس انا حساسة جدا و لما ارجع البيت ابكي و بشدة و اتكلم مع زوجي , زوجي يقول لي شو اسوي لج كان رديتي عليهم في نفس الوقت بنفسك, بس انا والله شخصتي ابدا ماتساعد ارد عليهم لاني ماحب اجرح احد و لا ارفع صوتي على احد و لا ارد بوقاحة , و طيبة جدا و عادة اسكت , و لي الحين فترة طويلة منقطعة عنهم بسبب المشاكل اللي مرينا بها غير اللي ذكرتها مشاكل خاصة و حساسة و هي تعتبر مشاكل عائلية بين اهل زوجي و اهلي , بس الحين ابغي ارجع لهم و ماحب اقاطع لان ضميري مأنبني ماقدر اصبر على هالشعور و تأنيب الضمير باستمرار و الانسان كم بيعيش في الدنيا و مصيرنا الموت جميعا و ما يتم الا العمل الصالح , بس يا خواتي كيف اتعامل معاهم و صدقوني بغير تعاملي يمكن يتغيرون شوي و اقدر اتحملهم , اكون رسمية جدا او علاقتنا تكون قوية او كيف بالظبط , كيف ارد عليهم , والله ماعرف كيف ابتدي هالصفحة الجديدة , ممكن تشاركوني بنصايحكم او دعاواتكم الله يجزيكم كل خير , بانتظاركم جميعا ان شاء الله .