يالله يا ينات و انا معاكم

وانا معاكم ولو في جدول يكون احسن
وامنيتي بالحياه غرفه الاطفال تكون منظمه وما فيها هوسه

صدقتي اخت يعني هم خارقين وبارعين اكثر طبعا لا بس صدقيني انتي ادرى بظروف بيتك وحياتك وانتي الوحيده اللي تقدرين تسوين لك جدول خاص فيك بس اهم شي لازم تعودين اطفالك على ترتيب اغراضهم واعتمادهم على انفسهم بتتعبين في البدايه كم شهر بس في الاخير بترتاحين من اشياء كثيره اقلها نظافتهم الشخصيه والمحافظه على ملابسهم ما يوسخونها وترتيب غرفتهم وادواتهم والكبير خليه ينتبه للصغير عوديهم ينتبهون للي اصغر منهم وينصحون بعض ممكن تتبعين معهم اسلوب الثناء اذا ابدعوا في شي واسلوب العقاب المناسب اذا اهملوا عقاب بسيط مو ضرب لا يعني الحرمان من اي شي يحبونه

ممكن بعد الاماكن اللي مااحد يدخلها كثير نظفيها مره بالاسبوع وقفلي الباب بالمفتاح مثل غرف الضيوف غرفة نومك اذا نظفتيها مره باليوم خلاص مااحد يدخلها ابدا ويبعثر لك دولابك مثلا اقفليها وخلي المفتاح بعيد عن الاطفال بحيث ما يدخلها غير انتي وابو العيال

بالنسبه لدورات المياه حطي بالسيفون شوي كلوركس مو كثير بحيث اذا دخلوا يسحبونه اطفالك ويبان ان الحمام نظيف وريحته نظيفه

الغسيل خليه 3 مرات بالاسبوع مثلا كفايه واصحي من الفجر وغسليه كله وبعد الظهر اكويه كله بعد و4 ايام تكونين مرتاحه

هذي بعض الافكار لان الوقت ما يسعفني اكتب بس اكيد لو تصفحتي المنتدى بتلقين حلوووووووووووووول

ودمتي

انا ان شاء الله راح احاول احط جدول ويمكن اخليه بموضوع يديد عشان الكل يدخله .. لاني انا بعد تعبت واحس حياتي مب منظمة ..:angry2: :angry:

انتظرووووووووووني .. واللي عندها افكار تراسلني ع الخاااااص ..

اللي يظهرلي انه كويس و الكل يمدحه

في طرق كثيرة الناس تمدحها و انا جربت بعضها

1- تجيبين غسالة صحون توفر كثيييييير وقت وجهد
2-الأطفال عوديهم مايرمون شي بالأرض و اللي يرمون يتعاقبون
3-حطي سلتين كبار بالحمام اللي يفصخ ملابسه يرمي بها للمون و الأبيض
4-الملابس وقت ماتنشرينها .. نشريها بعلاقات .. زي ماتصفين ملابسك بالدولاب مو تحطينهم بالعلاقات وتعلقينهم ..؟؟ نفس الشي للملابس عشان تصير كأنها مكوية بذات حقة العيال وملابس البيت عشان تشيلي هم للثياب و الشمغ بس


وبعدين عاد كنسي عادي و مسحي والله يوفقنا جميعا