سحابه= @shabh_17
عضوة
أبغي عد أكبير يشاركني وينصحني ..
بنات أنا وحده كبيره مو صغيره لكن عندي مشاكل كثيره مب عارفه كيف أحلها :44:حياتي مب مرتبه من يوم ولدتي ...وعيت على الدنيا حسيت أني غير من البنات ألي في سني عايشين غير أنا كنت وايد حركيه ونشاط زايد عندي... كل المدرسات والبنات مزعوجين مني كنت أحس عمري مينونه ...في بعظ الأحيان ..لما كبرت أشويه كنت أسئل نفسي ليش عندي خوات عايشين عند أمي وانا لاْ...؟؟؟كنت أشوف أمي وفي ريال وايد يكرهني ليش؟؟كنت صغيره مب فاهمه لما كبرت عرفت أني عايشه عند جدتي وجدي أزين وين أبوي عرفت بعد فتره أنه متزوج وعايش خارج البلد ألي أنا عايشه فيه ....يعني حياتي مب بختياري ....لما كبرت ..غصبني أبوي على ريال مب من ختياري وعشت مرحله جديده من حياتي مب بختياري يعني طول عمري عايشه من غير ختيار وأقاسي ....أحس عايشه مع زوجي حياه غير مستقره دايم مشاكل ونا عصبيه ...وشكاكه ...رغم أن عيالي كبار وسني كبير ورغم هذا أحس بظياع بعيده عن الناس بعيده عن أخواني وخواتي كل أحس أنهم ما يحبوني ويحبون نفسهم لأنهم كلهم خوات من أم وأب واحد وأنا غير ما أنتمي لا عايله أمي ولا عايلة أبوي ,,,كيف أبتدي حياتي مع زوجي بعد ما مر سنين طويله مع مشاكل مزمنه ما لها حل وترسبات وصدى ما ضي ثقيل على قلبي كيف أبتدي مع زوجي ونحن الأثنين في قلوبنا كم هائل من المشحنات والمشاكل والتجريحات صارت حياتي شبه ضياع وكلما اقول أيتدي من جديد معاه أرد لنقطة الصفر وأهدم كل ألي بنيته شو أسوي والله أكتب لكم ونا منهاره ماعرف شو أسوي أنا مب طبيعيه أتصرف تصرفات وقت الغضب مثل وحده مافيها عقل حتى بعدين أندم وقل ليش سويت جذي وعرف أني طايحه من عين ريلي ما عندي حد نصحوني شو أسوي أنا عصبيه :mad:على الكل ...على زوجي وعيالي والناس حياتي كلها مخربطه :icon33:أجاهد نفسي بصلاه والقرأن لكن ما في فايده وكله أذكر الماضي وأجلس أصيح :icon33:مب قادره أنسى ابغي عدد كبير من المشاركات عشان أرتاح وعرف شو الحل لا تتركوني يمكن وحده صغيره تنصحين مب مشكله المهم الحل انا بتظركم حبيباتي
16
1K
يلزم عليك تسجيل الدخول أولًا لكتابة تعليق.
طيب ياعسل الحين انتِ كبيرة
تقدرين تتحكمين بحيااتك
لازم الواحد يجتهد عشان يعيش حياة مريحة
اعانك الله وسهل امورك
تقدرين تتحكمين بحيااتك
لازم الواحد يجتهد عشان يعيش حياة مريحة
اعانك الله وسهل امورك
سحابه=
•
خواتي أنا يالسه أجاهد نفسي بس ردت فعلي تكون سريعه في أي موقف وبعدين أندم على الموقف يعني مثلاً ...أفر رمسه جدام ريلي مب قاصده أزعله ....:44:
شوفي ياقلبي شي طبيعي اللي جالسه تمرين فيه لان تاسستي وانتي في عائله ممفككه لاكن نصيحه لوجهه الله لاتستسلمين لللاوهاام انتي عندك زوج وعيال حاولي تعوضين نفسك فيهم وخليهم العايله والاخوان واخوانك اللي ماسئلوا فيك حاولي انك تتقربين منهم بس اذا ما رتحتي كوني لك صديقات واولادك الله يطرح فيهم البركه موفقه ياقلبي
الصفحة الأخيرة
ويعوضك خير يارب