أبغي مساعدة

الف مبروك

والله يتمم عليهم بالعافية


انصحج تختارين الالوان الممزوجة مع بعض خاصة البنفسجي الفاتح النيلي والاخضر المصفر ويكون داخل معاه ازرق تركواز على الخفيف


والخامه تكون شيفون
والموديل حلاته بسيط مع فخامة بالذوق


وراح ادور لج صور واحطها لج


بس حبيت ارد عليج

مشكورة حبيبتي
الأميرة سارة
ع الرد السريع
عاجبتني الألوان ومرة حلوة بس أنا أدور موديلات بسيطة وحلوة في نفس الوقت وما ألقى
عرس أخوي شهر11 يعني بعد العيد مباشرة يعني لازم أدور موديل حلو وأفصله ألحين اللي هو شهر 9لأن بعدين رمضان فما أعرف شو أتصرف
ومشكورة حبيبتي مرة ثانية
تحياتي:
أختج
أحلى بنوتة

بنااااااااااات محد ما رد علي غير
الأميرة سارة الله يجزاها خير
رجاءاً ردوا علي مابقى شي

مرحباااااااا اخواتي العزيزات في منتدى حواء ........ دايماً استفدت من نصائحكم وتوجيهاتكم فيما يخص الجمال والعناية بالبشرة ، وأحب في مشاركتي هذه إني اساعد اي وحده من الأخوات من تجاربي في مجال العناية بالبشره والشعر أو اي معلومة عندي إنشاء الله ما ببخل عليكم ، المهم بخصوص موضوع الأخت اللي طلبت تعرف عن فساتين أو مصممين عشاااان عرس اخوها اقولج اولاً الف الف مبروك وانشااء الله ربنا يتممها على خير ، وأنا انصحج إنج تشترين شيفونات بألوان زاهية إذا كنت سمراء أو حنطية بتطلع أحلى على البشره الحنطاوية الألوان التالية : الأزرق السماوي ، الليموني ، اللون التفاحي ، الوردي الفاتح جداً مع إمكانية دمج لونين متناسقين وهو بيطلع أحلى من إختيار لون وااحد ، الشي الثاني إذا كانت بشرتك بيضاء فالأفضل الوان غامقة نسبياً مع دمجها بألوان فاتحه بدرجة بسيطة لكسر حدة اللون ، ونصيحتي لا تشترين قطعة غالية جداً إذا كنتي ناوية تروحين عند مصمم اللي متواجدين بكثرة في شارع الخالدية في ابوظبي وممكن اعطيج افضل المصممين على حسب ما اعرف ، والشي الثاني إذا كنت ناوية تخيطين خياطة بسيطة بدون تصميم أو تعقيدان انصحج تشترين قماش غالي يعني (إعكسي المعادلة ) عشان تكونين انت الرابحه خاصة ان المصممين يبدعون في خياطة الشيفونات واحلى تصميم ما بيكلفج أكثر من 1500 أو 2000 درهم بالكثير .

مشكورة
عود مبخر ع الرد
العرس في عجمان
واحنا ساكنين في دبي
يعني ما نقدر نسير العين
لأنها بعديه والمكياج بيسيح ع وجهي
وبالنسبة للفساتين
إذا ما فيه كلافة يكون من الشارقة أو دبي أو عجمان
المدن القريبة منا
ولج ألف شكر حبيبتي
تحياتي
أختج
أحلى بنوتة