Desert_Queen @desert_queen

عضوة

--·▪●♥ أبغي مساعده منكم لاني اعتبرتكم خواتي.. والا بطلع ولا ارجعلكم♥●▪·--

السلام عليكم ورحمة الله وبركاته

خواااااااااااااااتي..
عن جد ابغي منكم النصيحه والا عن جد بنهاااااااااااااااااار..
صارلي تقريبا اسبوعين وانا شاربه الهم وساكته ويوم بعد يوم احس اني اضعف اكثر..
الله يخليكم ساعدوني..ولو بالدعاااااااااااااااااااااااااااااء من قلبكم فيصلاتكم..

المشكله هنا في اهلي..
سبحان الله ما يكون في شي كامل بالدنيا.. ونحمد الله على نعمته..

زوجي انسان متدين ويحبني.. ومرتاحه كثير في عملي والحمدلله..
مشكلتي في وااااااااااالدي بالذات.. الله يسامحهه..
انا ساكنه عنده حتى يجهز بيتي.. وزوجي شارب الهم معي لانه يقولي عيب اسكن معاكم وانا ماسكتنه على الاساس شغله بعيد وبيتنا اقرب شي للشغل.. ومقر والدينه بعيد في اماره ثانيه..

------------------------

قصتي هي:
أبوي انسان انعزالي وشايف نفسه على الناس.. ولسانه الله يهديه كل سب ودعوات على الناس بدون سبب..
وكله يعلق ويعلق ويستخدم كلمات بذيئه ما يشوف نحن بناته جالسات جنبه او في ضيوف او حتى مرات زوجي يكون حاضر.. كل شي عادي عنده ويعتبر ان بفعلته هذا هو قوي الشخصيه..
ما يحترم والدتي كله يسبها وينعتها بانها خدامه او وحده ما شايفه خير ويسبها جدامنا..
كنا صغار يضربها جدامنا يعني للاسف اسلوبه اسلوب غير حضاري..واسلوب انسان جاهل..

-------------------------

قبل 4 اشهر خدامتنا سافرت.. وبرضاه هو.. وعطاها اجازه فتره شهران.. وفي نفس اليوم الي سافرت فيه الخدامه انا ولدت يعني في الاربعين والدتي انشغلت فيني وفي اعتناءها ابولدي.. والله ان امي ما قصرت شغل البيت كله والطبخ كانت تسويه ومرات لما هي تتعب اقوم انا وانا في الاربعين اطبخ علشان ابوي ما يعصب ولا يقولي والا يقول لوالدتي شي.. ومرات امي ما تطبخ وفي عز الظهر تروح مشي للمطعم وتجيب اكل لوالدي الي ابد ما يشكر وبعدما ياكل يستهزء بالاكل وبامي على اساس يابتله شي مب طيب..وام اخواني وخواتي لا مبالااااااااااااااااه..
المهم..
اخواني واخواتي ولا واحد فيهم سال عن والدي شو ياكل شو يشرب شو محتاج.. لدرجه ان ضغطه ارتفع والسكري واصابت عينه بحيث ما يشوف زين.. وامي ما قصرت راحت الصيدليه ويابت له الدوا وزوجي ما قصر 3 وجبات باليوم من المطعم من الي يحبه يجيبله اياه بدون ليطلب ابوي ومن الاكل الغاااااااااالي ومطاعم كبيره.. وروحات ابي لاي مكان زوجي اصبح له السااااااااااايق لدرج مرات ياخذ اجازه من الشغل علشان يوصله اي مكان.. واصبح كوولي يشيل الاغراض من ايد والدريول يوصله لاي مكان..
ومرت ال4اشهر والاكل على حساب امي اوحساب زوجي.. وحتى عادت الخدامه على خير..
ولما رجعت الخدامه اخبرت ابي بان شغل البيت كثير فتبغي تجيب اختها على الاساس تساعدهافي نص الشغل..
وابي ابد لم ياخذ شور امي على طول وافق يعني امي وجودها وعدمه وااااااااااااااحد..

وطبعا فيزة الخدامه الي اخت خدامتنا من اماره ثانيه.. يعني ابوي يبغي حد يوصله هناك.. ومن هو الضحيه طبعا زوجي..

جاء ابي الي وشوفو شو قال لي:

كنت انيم ولدي واطالع التلفزيون..دخل عليي.. وقالي ان شاء الله بنجيب الخدامه الثانيه علشان تطبخ لنا..
ودخل في الاستهزاء..
الخدامه خلت كفيلتها تتكلم معي اظاهر زوجها ما عنده قرارات وصاير سكان حرمته يخليها هي تاخذ قرارات البيت.. شوهالجيل التعبان حتى انتي زوجج سكانج.. الحمدلله امج ما تمشيني انا ريال وما اسمع كلام حرمتي ودخل في التعليقات البايخه وانا ساكته اسمعه وفيني غيض..
ومره وحده قالي قولي حق زوجج يوصلني علشان نخلص شغل الخدامه الثانيه؟؟؟؟
يعلق على زووجي وعلى امي وبعدها يامرني بان اطلب من زوجيي انه يوصله لمكان.. ليش زوجيي عبد عنده..؟
والله اني مسكت عصبيتي ورديت عليه بهدؤ بابا زوجي ما عنده اجازه المشكله..

وارتكبت غلطه لما قتله هالكلام..
عصب وما ادري شو يالس يقول وكان يتحرطم.. وطلع من الغرفه..
وراح عند امي يشتكي باني رفضت.. وقال لامي ما بكلمها خلها تولي.. وكلام عن جد يضيق.. وجدام خواتي الصغار..؟؟
يعني انا غلطت لما قتله زوجي ما يقدر..!!!!!!!!! بالفعل هو زوجي ما يقدر..؟؟

المهم.. بعدها بومين.. كنت طالعه من الغرفه مع ولدي صدفه شفت ابوي طالع من غرفته..
وجان يقولي بعصبيه بصوت عالي ايـــــــــــــــــه خوزي سيارتج علشان العمال يدخلون سيارتهم..!!
اتخيلو انا بنته يقولي أأأأأأأيه..
يعني ما في اسلوب للاحترام ولا تفاهم..

اخواني واخواتي ما في حد منهم ما مد يده ولا عل صوته على ابوي..
وانا وامي الوحيدين الي محترمين انفسنا وشوفو ردود افعاله..
لدرجه يقولي لامي انتي خدامه ومره صرخ عليها جدام اخواتي بحط نعال في حلجج وانتي ما تسوين نعالي..!؟

ليش الغرور والتكبر..
ليش كل هذا يسويه معاي ومع امي..!؟

والله اخوي الصغير مره بغى يمد يده على ابوي على طول احترم نفسه لانه تمادى على اخوي واااااااااااااايد واخوي ساكت اخر شي انفجر وسمع ابوي كلاااااااااااااام ولين هاليوم ابوي لما يشوفه يحترم نفسه..

وخواتي مره ضرب اختي الصغيره بدون سبب والله انهم هجمو عليه وضربوه........!! ولين اليوم يحترم نفسه وما يقولهم شي..

الحين كل حرته وعصبيته على امي وعليي..

البارحه امي كانت جالسه في المجلس ودخل عليها قالها انا اتصل بولدج وما يرد عليي وسبه.. فقالت له امي على نياتها ان ولدها عنده تلفون ثاني وتاركنه في الكبت وقالت له جرب الرقم الثاني لان يمكن التلفون الي عنده برقم ثاني..
وياريتها ما قالت له هالكلام.. على طولصرخ في وجها انتي تدافعين عن عيالج انتي وانتي وانتي.....!؟ كلام يجرح القلب..
وهو طلع شافني بدخل على امي.. جان يقول بصوت عالي تعرفون تاكلون وتشربون بلاااااااااااااااش ما ادري ليش قال هالكلام شكله بغى ينقزني.. سكت وقلبي يحرقني من الداخل ودخلت على امي على الاساس اعرف شو الموضوع وشرحت لي فقلت لها الموضوع مش مستاهل اي نوع من العصبيه.........!؟؟! غريبه..

كلما اطلع الصبح على الاساس اروح الدوام اشوفه يالس في الصاله والله لا يوريكم وجهه معصب كانه بيضربني.. من كم من يوم لما اطلع انزل راسي علشان ما اشوف ويهه واتم طول اليوم ابكي..

انا حرمه متزوجه وعمري تقريبا 29 سنه.. هل هذا اسلوب تعامل الاب مع بنته المتزوجه وام 3 عيال..!؟

وانا اكتم ولا اريد ان زوجي يسمع اي شي لان زوجي عزيز النفس ان سمع اي كلمه عليي او على عياله او عليه على طول بياخذني لبيت اهله وانا ما اريد اروح بعيد عن امي.. لاني عنجد محتاجتلها واااااااااااايد..

ادعولي وادعو بان الله يهدي ابوي..

محتاجه لكلمه طيبه منكم ودعاء الطيب بان ربي يسهل موضوع ظهور الارض وابني بيتي ولا اسمع كلام مجرح من اي حد.. وحتى اخبرت والدتي بان ابي مش محتاجلها باخذها معي ولا يذلها ذل..
لدرجه ان امي تتهرب من اصدقائها واخوانها حتى لا يزورونها والا ابوي جدامهم يصرخ عليها ومحد يرضى بهذا الشي..

وكلمه طيبه منكم بتخفف من ضيقي..

يلزم عليك تسجيل الدخول أولًا لكتابة تعليق.

تسجيل دخول

Al-Farasha • 16 سنة

و الله ما ادري شقولج
بس بو طبيع ما يغير طبعه
عسى الله الله يهديه يارب
بس رحام تسكنين معاهم بنفس البيت راح تظلمين زوجج لو تأجرون ابركلكم من الاهانه و عوار القلب
عسى الله بفرج همج عن قريب

r1ksa • 16 سنة

ابوك لاعب باعصابه السكر

ترى السكر يخلي الواحد عصبيييييييييييييييييييي

الله يهديه

العمر والسكر عليه

بس انتي منعا للمشاكل روحي عند اهل زوجك وزوري امك مادام زوجك حبوب

صراحه قاعده عشان تسمعين كلمتين مو شي و تجيبين كلام لامك بسببك!!

Desert_Queen • 16 سنة

Al-Farasha :

و الله ما ادري شقولج بس بو طبيع ما يغير طبعه عسى الله الله يهديه يارب بس رحام تسكنين معاهم بنفس البيت راح تظلمين زوجج لو تأجرون ابركلكم من الاهانه و عوار القلب عسى الله بفرج همج عن قريب

و الله ما ادري شقولج بس بو طبيع ما يغير طبعه عسى الله الله يهديه يارب بس رحام تسكنين معاهم...

مشكوره حبيبتي على الرد.. هذا طبع ابي من انولد..
الاجارات غاليه ونحن نجمع كم من فليسات علشان نبني البيت..
والا طلع وخذت امي من زمان واجرت بس ربي العالم بالحال..

أحبك يازوجي • 16 سنة

الله يعينك اختي

Desert_Queen • 16 سنة

r1ksa :

ابوك لاعب باعصابه السكر ترى السكر يخلي الواحد عصبيييييييييييييييييييي الله يهديه العمر والسكر عليه بس انتي منعا للمشاكل روحي عند اهل زوجك وزوري امك مادام زوجك حبوب صراحه قاعده عشان تسمعين كلمتين مو شي و تجيبين كلام لامك بسببك!!

ابوك لاعب باعصابه السكر ترى السكر يخلي الواحد عصبيييييييييييييييييييي الله يهديه العمر...

حبيبتي ابوي هذا طبعه من زمان يعني قبل ليخذ امي.. والسكر ياله بعدما انولدو خواتي الصغار..واسلوب ابوي مع امي من تزوجها هذا طبعه..
والمشكله ما بقدر اروح لاهل زوجي لان بيتهم بعيد عن شغلي وشغل زوجيي..
وام زوجي حرمه كبيره بالسن ما بتقدر تمسك عيالي..
ومشكوووووووووووووووووووووووووره حبيبتي على الرد..