أبغي وصفات لتغذية الأطفال من سن ست أشهر ومافوق

أفا معقولة ولا وحدة ردت رغم دخول 41 عضوة ولا حتى تكرمتوا ورفعتوا الموضوع..

معقولة ولاوحدة تأكل أطفالها شيء غريب والله!!!!!!!!!!

انا ما اتقيد بوجبات محدده او وقت لها

حتى احيانا بنتي ما اكلها اكووون مشغوله اله يسامحني بس

بس اعطيها وجبه هيرو من الفواكهه في الصباح

واسلق لها كوسا حبه مع جزر واخلطه بالخلاط مع شويه ماء

واسوي شوفان كويكر مع ماء على النار واضيف له مرره منقوع تمر ومررررره تفاحه مسلوقه واخلطه كمان بالخلاط

واعطيها ها اايام شوي رز مسلوق وشوي دجاج

وفيه ناس يعطوا اطفالهم دانيت بنكهات ماجربته بصرررراحه

وفيه وصفات حاطينها البنات ماقصروا والله هنا

http://forum.hawaaworld.com/showthread.php?t=956347&page=2

الصباح
عطيه سريلاك أو غطيله بسكوت فارليز مع الحليب

والغدا
أسلقيله خضار مشكل مع رز مصري ودجاج
وحطي معها وهي تطبخ ملعقه صغيره حلبه

أو بطاطا حلوه مع الرز المصري

أو رز مصري مع تفاحه

وعطيه فواكه أسلقيها وبعدين أخلطيها مع مويه حاره ونشاء وحطي معها زبيب وتكونين ناقعته فتره
وهذي الطريقه نفس طعم الهيرو الجاهز
جربيها
وغيري عاد
مره حطي موز مع زبيب
ومره حطي جزر مع تفاح
ومره حطي جوافه مع موز

والعشاء
أسلقي بيض وخوذي صفاره وأخلطيه مع بطاطس مسلوق وحطي عليه شوية ملح مررره ممتازه ومغذيه

ووقت المغرب إذا حسيتيه جايع
عطيه زبادي مع سكر شوي
أو حطي معاه موز مطحون
أو عطيه شوربة عدس أو شوربة كويكر حمرا أو بيضاء

وطبعا ماتنسين الحليب عطيه وقت النوم أحسن وخلي الاكل باقي اليوم وممكن تعطينه رضعه العصر وينام بعدها

هذا اللي أذكره الحين ...إذا ذكرت شي ثاني فأنا رجعت
والله يخليه لك وتشوفينه عريس
ولاتنسيني من دعواتك

ألف شكر لكم حبيبات قلبي أحلام مبعثرة ونجوووووحة والله ماقصرتوا يعطيكم العافية ويخليلكم أطفالكم يارب