أبكتني { .. متى تجي الساعة 12
ياسارهـ كيف حالكـ ؟
يبه لا تسألني عن الحال
يبه أرجوك جاوبني بس على هالسؤال !
أمي وين ؟
يبه تدري وش تقول أحلام !
تقول أمك ياحلوهـ سافرت للظلام
تقول أمي غابت تقول أمي راحت
تقول أمي ماتت خلاص !
تقول أمي غطوها بكفن
ثم صلوا عليها الظهر
ثم حطوها بقبر
ثم راحو وخلوها مشوا وتركوها
يبه تكفى ودني لها
خلني أشوفها وأبوس كفوفها
وأعطيها عمري فدوهـ لها
يبه أذكر يوم أمي تعلمني صلاتي وآذكر كيف كانت تلبسني جلالي..
كانت تقول ياسارهـ الله الله في صلاهـ الفجر
ولا تنسين وأنا أمك الوتر
يبه والله ماعاد فيني صبر
قولها ترجع خلاص تكفى يبه قولها صرت أحافظ على صلاتي
قولها صرت ألبس جلالي لحالي قولها خلاص أنا بجمع العابي
وأنا بغسل ثيابي وأنا بقوم الصبح بدرى وألبس مريولي وأحضر
الفطور لخواني بس ترجع لي تكفى يبه
أمي وين !
لا تقول راحت السوق البعيد تشتري لي فستان جديد
عشان أفرح وأغني بالعيد
قولها مابي شي خلاص أبيها بس ترجع لي تصفف لي شعري
وتختار لون لشباصتي وتجلس قبالي وتضمني تكفى يبه
خلها ترجع وتضربني بس لا تتركني
أبي أحتضنها بجنون لو يكون اللي يكون
أدري عليها أمون
إن خطيت أو شكيت أو حتى بكيت بانتظاري قمة الصدر الحنون
يبه ياكذبها أبله سعاد تقول يابنات بكرهـ حفل الامهات
ولازم أمكـ تجي ياوعد وأنتي بعد ياعهد وأنتي معاهم ياحصه وشهد
بس ماقالت لي يبه !
تقول اللي ماعندها أم تصير يتيمه مسكينه لا تجي بكرهـ !
يبه كانت تتكلم وتناظرني كآنها تقصدني
يبه قلت لي أمي بتجي الساعه 12 !
متى تجي الساعه 12 !
ننام ونقوم ننام ونقوم يعني معقول باقي ماجت الساعه 12 !
يبه أبله سعاد تقول ياسارهـ أنتي تغيرتي أنتي كبرتي وصرتي عروس
يبه أمي كانت تقول ياسارهـ متى أشوفكـ عروسه ؟
يبه خلها تجي وتشوفني خلها بس تجي وتضمني وتروح
يبه يقولون أمي راحت وخلتني سافرت
يقولون أمي ماتت خلاص
يبه ليه تبكي ليه ماتحكي ؟
تكفى يبه قولها خلاص مابي فستان ولا عبايه وشال !
ولا أبي شي خلاص بس ترجع لي تكفى يبه تكفى خلاص
تكلم يابوي أمي ماتت صح !
آهـ
الحين منهو يروح معي حفلتي !
ومنهو يشاركني فرحتي !
ومنهو يسمع شكوتي !
ومنهو يمسح دمعتي !
من دونها يبه إنتهت دنيتي !
وبفراقها يبه ودعت بسمتي !
ليه يادنيتي حرمتيني ميمتي !
وتركتيني لوحدتي
تكفى يبه قول أنها باقي في السوق
قول أنها بتجي الساعه 12
أكذب يبه تكفى يبه قول أنها بترجع لي خلاص
قول أنها بترجع لي خلاص
تكفى يبهـ .. تكفى
أبكتني { ..
خزيمه @khzymh
محررة
يلزم عليك تسجيل الدخول أولًا لكتابة تعليق.
خزيمه
•
عورتي قلبي والله ماقدرت اكمل احس اني اختنقت مشكلتي خيالية واتخيل نفسي دايم لا قريت موقف مشكورة على الطررررررررررحعورتي قلبي والله ماقدرت اكمل احس اني اختنقت مشكلتي خيالية واتخيل نفسي دايم لا قريت موقف مشكورة...
حياكي اختي وسامحيني بس وانا اقرأها كمان اختنق شكرآ لمرورك:26:
الصفحة الأخيرة
مشكورة على الطررررررررررح