نبع الفؤاد ودنيا

الله يرفع قدركم

هلا حبيبتي خذي راحتك
شوفي أكيد كريم اساس حق السهرات أثقل من اساس الخرجات والزيارات
او ممكن تستخدمي البي بي كريم وموجود في كل الماركات واذ بشرتك دهنية حطي شوي بوادره تثبته وشويه ظل بيج مقارب لون بشرتك وكونسيلر اذ عندك هالات
وشوية بلاشر وكحله ومسكرا او روج فاتح
وي سلام ع الجمال والنعومة

حبيبتي اساس جمال المكياج الاشياء اللي تستخدمينها يعني الماركات وكذا واصلاً مو شرط ماركات معروفه اهم شي. شي ثابت وحلو 
مثلاً ..
جيبي كريم اساس ..بودره مكياج ..كحل سايل ..كحل داخلي ..اي شدو ظلال عيون في ماركات كثير مثل( كوافير ..مكياجي ..cecileهذا اخذته من عطر وكياج يجي علبه فيها لون واحد)واخذي كمان ظل للبلاشر اللي هو حمره الخدود..بعدين روجك المفضل فيه ماركات مثل (ماك وvov )طبعاً لألوان الدارجه الغامقه يعني على عنابي ..احمر ..بس انا افضل اللي تجي على بيج ومشمشي ووردي على خربزي ..لانها مريحه وتصلح فالجمعات العائليه المختصره ..وقلم حواجب فيه اللي يجي جاف حلو بس يتحرك عن مكانه بس حلو من ماركة (look)الغطاء حقه يجي فيه زي الفرشاه صغيره عشان تمشطين حواجبك قبل الرسم وفيه اللي يجي زي الخطاط هذا تحسينه رسمي بس فالمناسبات الكبيره او المكياج الثقيل شوي طبعاً تخطيط الحواجب يكون بلون بني اوعو تستخدمون الاسود احسه يششوه  ..ممم كمان لازم اضاءه تحت الحواجب فيه من (ماك)حلوه اخذي على ذهبي وابيض وفضي وفيه موب ماركات بس حلوه وتعطي نتيجه رائعه كمان في عطر ومكياج ..والنهايه المسكارا فيه( ماركة نيفيا تجنن بس ماعاد توجد القديمه غيروها ..وفيه ماكس فاكتر وفيه ميبيلن الصفراء رووعه)

بعدين ..

اول شي سمي بالله وتوكلي عليه..

بعدين ابدي بكريم الاساس وزعي على الوجه والاذنين والرقبه ..لازم كله نفس اللون..
ثم ..
بودره المكياج وزعيها بالتساوي كمان لازم تغطين كل الكريم ..
هذا الاساس وانتهينا منه ..
ثم..
ظلال العيون اموت ع اللون المشمشي والخربزي لانها فاتحه وتعطي منظر وماحب الالوان الغامه والظل كثير الا اذا كان سهره او زواج ..حطي من بدايه العين اللي النهايه ومدي على فوق لاتحطينه بس لين خط الجفن اللي فوق لا مدي على فوق شوي ..ثم حطي الاضاءه تحت الحواجب اللون اللي تبغينه فضي او ذهبي ولاتكثرين شوي بس عشان يبرز العظمه اللي تحت الحاجب ..
ثم ..
ابدي باللكود اي لاينر <<يعنني هههههه قصدي الكحل السايل انا اخذه من محمود سعيد رخيص وحلو ..ثبتي يدك على الطاوله زي ماقالت اختي اللي فوق ..ثم ابدي حطي خط رفيع يعني نحيف عشان اذا فيه تعرجات تقدرين تتفادينها ومايجي عريض مره يجي متوسط حلو ..ابدي من بدايه العين من مثلثه الدمعه لين اخر شي ووقفي بعدين شوفي اذا فيه تعرجات سويها لانه لازم يكون متساوي عشان ميطلع بايخ انتي بتكونين وقفتي ع النهايه ابدي ارفعي خط صغير على فوق وبعدين زيديه لين تساوينه ويصير كحل فرنسي صح..ثم سوي العين الثانيه..ثم خليه ينشف لانه يجي سايل مره ولاتحركين عينك كثير عشان مايتلطخ ..
..بعدين كحل جوا العين اخذي ماركة (سمايلنق )حلوه وكثري يعني ادعجي عينك صح ؛) انا احب احط تحت الرموش اللي تحت خط شووي من الكحل الناشف كمان يعطي منظر ..
ثم كحلي حواجبك وياليت ماتكون على شكل دواير لانها تشوه ..من قدام لها زوايه زي المربع وابدي مدي للاخر ..
ثم..اذا حسيتي ان بودره المكياج خربت من يدك زيديها شوي ..ثم حطي البلاشر يكون على وردي على مشمشي ابتعدي عن اللي يجي على فوشي ابدا مو حلو ..بالفرشه حقته اضغطي على الظلال ضغطتين وحطي لاتحركين الفرشه على الظلال يطلع صصارخ ..بعدين المسكارا عاد ابدعي فيها هي اساس الجمال ..الرموش من فوق ومن تحت كثري اخر شي حطي الروج اذا كانت الشفايف كبيره حطي محدد لونه نفس لون الروج اللي تبغينه ..وحطي روج واذا بغيتي فوق قلوس ..وبكذا نكون انتهينا ورتبي شعرك وبسسس..

اتمنى اكون افدتكم ..وعلى فكره تراني بريئه وفي ذمتها اللي تحطه وتطلع به لسوق او عند رجال اجانب ..انا هدفي تحطينه في تجمعات نسائيه ..ابي الاجر فقط ..دعواتكم ..واذا فيه اي سؤال انا حاضره ..  
مع السسلامه ..

شكرا عريب جزاك الله خير


الورد جزاك الله خير ياعسل كاتبه من قلبك الله يجعله في ميزان حسناتك

كل نصيحه راح اخذها في عين الاعتبار .......و.عموما انا دحين اتدرب فأفضل إني استخدم منتجات رخيصة واذا اوك صرت فنانه<< ادعيلي .....حشتري من ماركات

لو جامعة حطي بعد الغسول رطبي وجهك واستني شويه بعدين حطي واقي واستني شويه كمان وحطي بيبي كريم يناسب نوع بشرتك او كا اختصار للوقت اشتري بيبي كريم في حماية من الشمس وترطيب وكل ساعتين حطي منه كمثال البي بي كريم الكوري