أبني الله يحميه .....والشارع....ومخاوفي الكبيرة عليه!!! كيف اعلمه مخاطره

سلام يا صبايا
رح ادخل بالموضوع مباشرة
ابني الله يحميه ويحفظه من كل شر، عمره الآن سنتين ونص، ما شاء الله عليه، جمال وجاذبية وذكاء وبيسمع كلامي بمعظم الاحيان ومحبوب من الجميع، بس في مشكلة ظهرت حديثا ، وهي خوفي الشديد عليه، يمكن لانه الله لحد الآن ما اعطاني اخوة او خوات له، ويمكن لانه اموووور كثير وكلامه حلو وبخاف عليه من عيون الناس...فصرت دايما اراقب تحركاته وما اقدر اثبت دقيقتين من غير ما انادي عليه واساله شو بتعمل!!
ومؤخرا صرت اخاف عليه كثير من الشارع لانه غافلني مرتين ونحن بزيارة اقارب وراح على الشارع!! وانتم ما بتعرفوا فوضى الشوارع عندنا!
ولما فهمته غلطه وقلتله انه السيارات بتضرب الاطفال وممكن تنزل دمهم...رد علي بكل بساطة: لا ...انا بضربها.. وبكسرها!!!

والله حيرني
وحيرني خوفي الكبير عليه
حتى اني صرت انحرج اما الناس قد ما بكون خايفه عليه....مع العلم انني متوكله على الله في كل شي وانه الله الحافظ...ولكن اعقل وتوكل...
شو رايكم يا صبايا؟؟
دلوني شو اعمل ؟؟