وسعى صدرك يابنتى هذا ابليس بيكرهك في ابوك
وشكل ابوك يتعرض لضغوط ويفرغ فيكم غضبه مسكين حنو عليه حاولو تتقربومنه شوى شوى سوى حلا بسبوسه وقهوه ونادوه معاكم يحس فيكم ونا قشوه بهدوء لاتخافين تراه ابوك مهوب ماكلك اقلها بيصرخ عليكم ونتى متعوده
هههههههههههههههههه امزح لاتزعلين
ابتسمى لاشفتوه هو يحس ترى بكم علشان كذا يصرخ ولو امك تقوله ترفق على البنات لاتصرخ مسيكينات هم يحبونك وراك عليهم تري بياخذ بكلامها
وبالنسبه لكلمه الحرمه ابوهم مجوعهم تراها والله ععععععععععععععععععععععععععادى مره كلن يقولها لاشف حد نحيف ما نقصد شى
انا اقولها احيانا مااقصد الا المزح فقط او اقول تاكلون منها كذا اسمعها من اهلنا وصرنا نقولها تلقائى
بس علشانك معانيه ظنيتيها تقصد
وانا من رايي ان ابوك يمكن ماديته ضعيفه وعليه التزمات ما تدرون عنها كلن ينفق من سعته لاتحملينه ما لايطيق
ترى يابنتى المعيشه غاليه انتى تدرين ان علبه الجبن القزاز ب16 ريال بعد اظنها زادت بس من سنه كنت مقضيه للبيت واستغربت الاسعار خبري انها ب6 ريال ههههههههههههههههههههه قديمه
طبعا اللى يقضى للبيت زوجى انا نادر مره تري المعلبات غاليه مره علبه النستله صارت ب7 ريال
والاجبان والقشطه وصل سعر العاديات مثل لونا وابوقوس 4 ريال مو قشطه التاج مدرى كم وصلت الحين
وكلش نار الاسعار في ازدياد وهو يمكن ما تعلم فراتبه قليل شوفي اذا راتب ابوك تحت الثمانيه الاف وانتم عايله تراه يفلس ما خلص الشهر
واذا بيتكم اجار فالله يعينه يبى من يساعده
وانا حاسه انه مهو مقصر بس انتى تقارنين بقرايبكم
يمكن عندهم دخل ثانى غير الراتب
او ابوك يعانى نفسيه او مديره قارفه
وهذا انتى عندك كمبيوتلر ونت يعنى ما قصر وسعى صدرك ولاتنسين المصريف من علاج الى فاتوره كهرب الى بنزين الىخراب سياره وغيره تري الفلوس بسرعه تطير
والله يسعدك ويوفقك ويحنن قلب ابوك عليكم وبسخره لكم ويسخركم له مهما كان اب وله حق
وكثري من الدعاء له بالخير والصلاح

الله يفرج عنكم

بس من ويلك النت !! اذا قادره على اللاب والنت ترا هذا زين يعني يطلع من ابوك الخير

حاولي تتاقلمين مع ظرفك وتدعيله بالهداية

والله البيوات اسرار
احمدي ربك انه بعد ماحرمكم من الدراسه
وفتح قدامك باب امل انتى غافل عنه
اجتهادي وشدي حيلك ونفسي عن غضبك فى الدراسه ثم الدراسه ثم الدراسه
ماتدرين يمكن تتخرجين وتتوضفين معيده فى الجامعه
وتكتفين منه على الاقل مادي وتسعدين امك وخواتك
لاتخلون الياس يتغلب عليكم
تذكرو دايم ان فيه الاسو على الاقل ذا فيه خير ماتزوج على امك
وجاب لها جاره تبغثر كبده فى الطالعه والنازله
وتشوفون الى انحرمتو منها يسويه لها وعيالها بكل سرور ومحبه
برو امكم ودعو له بالهدايه وحطو بالكم على الدراسه
هي المنقذ الوحيد لكم بعد الصبر

اصبري اصبري اصبري ..
وفكري بالناس اللي اقل منك .. اللي مالها اهل .. اليتيمه .. المهانه .. الي تحت رحمه زوجه اب .. المعاقه ...
شوفي جسمك يارب لك الحمد كامل وعقلك مكمل مو متخلفه او متأخره عقليا او بك خفه ..
وابوك حسبه الله هو كذا من نفسه او نتاج تربيه سيئه مؤذيه مشابهه ربي اللي يحاسبه على رعيته ..

الزبده واللي قهرني في كلامك .. انك تفكرين تتزوجين واحد كبير !!!ليش ؟؟ عشان الحنان !
حبيبتي حنان الاب محد يعوضه ..
واذا تفكرين انك تاخذين شايب يضيع شبابك هو يتمتع بك وانتي تنتظرين حنان !!! اسمحيلي خانك ذكائك ..
بتكون علاقه مو طبيعيه وبتخسرين الباقي من عمرك علشان تعالجين الجزء اللي راح منها ..
الله يسخر لكم ابوكم ويرزقكم الحكمه والقوه والصبر والاكتفاء عن الناس ..

الله يكون بعونك
تكلمتي عن حالتكم المادية وقلتي انها تعبانه .. ممكن يكون هذا سبب قسوة ابوك عليكم .. يمكن ابوك نفسه عاش طفوله قاسية
اعذريه الظروف كلها تجمعت عليه ..ترا الفقر على الرجال صعب صعب عشان كذا امير المؤمنين تعوذ من الفقر وقال لو كان رجلا لقتلته
الفقر شتت عوائل ..سبب جرايم.. وهو تقريبا مفتاح كل المشاكل

اصبري ايش بيدك تسوي غير الصبر

تقولي تخصصك زين يعني الحمدلله نعمة ..بكرا تتوظفي وتصرفي على نفسك

تأكدي من نقطة ..التعليم والوظيفة والله ثم والله عز للمرأة وسلاحها في الحياة

بكرا ان شالله اذا توظفتي بتصيري مستقلة بنفسك .. ابوك والناس كلها راح تحترمك .. والاهم انه فلوسك بيدك تقدري تستغني عن الناس كلها ..وتقدري لاسمح الله بعد عمر طويل تعزي اهلك واخواتك من الحاجة لاحد

ابوك شوفي وش اللي يزعله منكم حاولوا تتقربوا منه

الواضح انه مافي بينكم اي نوع من انواع الحوار بين البنت وابوها ..
حتى لو هو اللي قتل هالشي ..ابدي انتي تقربي منه .. احكي له اشياء بسيطة افتحي معاه مواضيع خذي رايه .. استشيريه حسسيه باهميته

ماادري ليش من كلامك حسيت انه ابوك فيه بذرة طيبة ..بس الظروف الصعبه هي اللي قست قلبه

مافي انسان ينولد وحش ترا.. كل انسان له جانب طيب ..وحاولي انتي انك توصلي لهالجانب


وادعي لنفسك ولابوك وامك واخواتك ..مافي مثل الدعاء يسوي عجايب
وتأكدي انه مافي بعد الضيق الا الفرج