أبوي المتوفى ( مااقدر أتصدق عنه )

تعبت نفسيا مااقدر أتصدق عن ابوي شي يمنعني بقلبي نقطه سوداء ابوي توفى من فتره مات وانا مااحبه أنتم متخيلين ان دمعتي مانزلت عليه ! باقولكم حياتي امي الله يطول لي بعمرها تقول ابوي ماكان كذا كان يصرف عليهم بس بعد ماتزوج الزوجه الثانيه تغير جدا عليها وبنفس السنه الي هو تزوج فيها انا انولدت فيها عشت ابوي مااصرف علي ريال واحد أنتم متخيلين !!! الي تصرف علي امي كانت تشتغل بالبيوت وتعطيني مادخل فمي طول حياتي شي من عند ابوي !! اتذكر كنت اروح له وانا عمري ١٠ سنين لبيته الثاني يجلس هو وزوجته يطالعوني ويطقطقون علي عقب يطردوني روحي لامك ( من بين كلامهم الي يرن ب اذني هُذِّي زي خالاتها وينادوني باسم خالتي ويقولون طويلة لسان ) سياره ماكان عندنا لما كنت أمرض امي تتصل على اخواني يتركون عملهم وسجون يودوني او عيال جيرانا يودوني ! مع ان عنده سيارات موديلات السنه بس له هو وزوجته وانا وامي واخواني ممنوع ! كان عنده خيرررر لان رجل إعمال وله اسمه ومكانته بين الناس خالتي الي هي زوجته خلفت ٣ بنات وولد الولد توفى قبل ٩ سنوات وبقي بس خواتي وكنت اشوف دلال ابوي لهم أشوفهم بالمدرسة لبسهم ! اغراضهم كل شي جديد وحلو وانا امي تشتري لي بس على قد فلوسها كان يضرب خواتي وياخذ مهورهم بالقوه ولا يعطيهم شي كلهم تزوجوا وبقيت انا لوحدي بالبيت وصارت امي تصرف علي لما تعبت وكبرت وبطلت تشتغل وكنت راح اموت جوع غير الناس تصرف علي ( توفى بعد مابطلت امي تشتغل ب اربع شهور ) احيانا اقول الحمدلله انه مات 😭 لما توفى انفرجت الأمور علينا على الاقل صرت أخذ ضمان وأصرف على نفسي وامي صارت تأخذ ضمانها وجانا الورث من بعده ومااحلف لكم أني كارهه كل فلوسه ولعبت فيها ماابغى اشتري شي من ورآه ! والحين كل ماجيت ب ادعي له وأتصدق عنه فيه شي بقلبي يمنعني مع ان الحمدلله الان تزوجت واشتغل وعندي خيررر انصحوني خايفه يكون عقوق وأخذ اثم ! 😭 ادعوووووولي تكفون