أبوي تعجز عن مدحه كل القصايد

السلام عليكم
الله يحفظ لكم آبائكم ، واللي ابوهم متوفي الله يرحمه
الله يحفظك ي أبوي


المدحِ لا منيِ بغيتِ أمدح إنسان
أجيب منِ شردِ قصيديِ فرايد
وأرضيهِ من جزلِ القوافيِ والألحان
لو كان بعض الناس مرضيه كايد
لا صـار لـه قــدرِ ومـعزه وســلطان
بقـلوبنــا مـن بين كــل البـدايــد
أبـوي وأن مريتِ بإسمه ولا هان
تعجزِ حروفيِ تنصفِه بالقصايد
لأنـه عظيـمِ ولايبـيِ فيـهِ برهان
ولأنـه كبير ولا يبـيِ لــه شهــايـد
ولأنه كريمِ ولا يجي فيهِ نقصان
ولأنه فريد من الرجال الفرايد
ولأنه أبـوي وتاج راسي وعنوان
مجدي على مرِ السنينِ البعايد
لامــن طــروه في كــلِ ديــوان
ما قيل غير إنــه على النــاس زايـد
يامـا بنوا للطيبِ من طيبته شان
وصارت لهمِ أصغر فعولـه عوايد
قلبهِ وطنِ للي شكى مر الأزمان
مزبنِ خويـه بالليال الشــدايــد
الله يقـدرني علـى ردِ الإحسان
وأعطيه مـن بــآقي سنيني مـدايـد