أبوي .... والله اخشى عليه من العذاب ... ساعدوني باقتراحاتكم

بسم الله الرحمن الرحيم

ابوي هو اغلى ما أملك بالدنيـــــا لكن ... وش اقول
اعرف ان الشكوى لغير الله مذله / لكن لقد يوجد منكن شخص حكيم يرشدني لفعل الصواب
أبوي لايعرف معنى الأبوه .... اب لايعرف سوى انه اذا جاء آخر الشهر فقط
يتقضى مقاضي الثلاجة وفواتير كهرب وماء فقط /// وغيره ساحب يده من كل شي

ملابس العيد = امي
الهدايا = امي
الحنان والضحك والسواليف = امي
الجلسة معاه = امي
مقاضي المدرسة = امي
وقت الزوجات / مكياج تسريحة فساتين سهرة = امي

ابوي == ما يحبنا ويحب الجلسة بروحة دايم
دايم يطلع بعد صلاة العشاء ولانشوفة الا وقت السحور ان جينا نجلس عنده قال وش فيكم
تبون شي !!!! قلنا ودنا نجلس معاك / ان حكى كله انتقاد انتم ماتعرفون الادب انتم ماتعرفون تلبسون
يبينا نلبس عبايات الكتف / نلبس بناطيل البرومود / انتم ماتعرفون غير كلمة ابي ابي يايبه وحنا مانقولها غير لامي
ابوي == مقاطع امي / لاتفهومني غلط / اقصد هاجرها بالفراش من 7 سنين / وعنده شي يسليه بالمجلس
على تلفزيونه وقنواته الاباحية / ابوي يبيني اسمع الاغاني يقول عادي / ياربي اصيح منه
ادعي له دايم بالهدايه لكن مره مايبينـــــا ولايحب يجلس معنا

اغلب وقته على قنواته = او على استراحة الشيبان مايجي الا بعد آخر الليل =

اذا جلست معه امي ياحسرتي عليها = مايبيها يطنشها كانها وحده مو موجوده وان حكت
ماعبرها ... ذاك اليوم يتكلم في التلفزيون عن العلاقات الاسرية الممتازة حسيت جاء بوقته
قالت له امي خله بتابع = قال هذا يخربط اصلا مافيه احد يحب زوجته واولاده حب بس كذا اسم
ان الحياه تستمر ويقلب القناة ويقول اهم شي بالدنيا الوالدين ///

صح كلامه اهم شي بالدنيا الوالدين يصرف على امه وابوه بالهبل والسواليف والمزح مع خواته (عماتي)
الابتسامه تشق الفم / وحنا لنا التكشير والبخل ليه ليه كذا يادنيا
يقول شوفوا خواتي وبناتهم عبايات كتافية وبناطيل برموده / وانتم مادري وش فيكم متزمتين بالدين
آآآآآ بصيح مو معقوله هذا اب

واختي متزوجة لها سنه تصيح منه / تقول ابوي ماعمره سال عني ولا كأني موجودة بالدنيا
ابوي يقدر يعزم خواته على مفاطيح لكن اختي وزوجها مستحيل يرفع لهم سماعة ويعزمهم
ليه ليه كذا يادنيا /// تقول اختي حاولت مع ابوي بمسجات الحلوة الى اجمل اب الى احلى اب ...
لكن سسسسافهني وصافطني على جنب ////

وش الحل ياناس مع هذا الاب ؟؟؟؟؟