أبوي وتعامله معنا :(

السلام عليكم ورحمة الله وبركاته

مساء الخير

وتقبل الله منا ومنكم صالح الاعمال ان شاء الله

بداية انا متابعتكم لي فتره لكن بدون مشاركه

وانا فكرت اكتب لكم بعد حيره اكتب او لا

ولكن الحمد الله قررت اكتب ويا رب القى عندكم شي يساعدني

الوالد عمره فوق 60

عصبي / انتقادي / طالع نازل دعاوي فينا وسب ولعن وتحسب على الكل

وتسمية اخواني بابشع الاسماء سربوت .. داشر ... وغيرها كثير .. ليه بس لانه مالقاه في البيت او ناداه وما رد ع طول

دايم شايفنا اسوء الابناء وافشلهم واقلهم ادب وان احنا عاله عليه وما نريحه

وصل لدرجة يشتكي منا للناس !!!

واخر مره اشتكى لواحد ان اخواني ما يصلون بالمسجد وبس نايمين وانهم مافيهم خير
واليوم الثاني الرجال شاف اخواني الفجر والظهر بالمسجد ما فاتتهم الحمدالله قال لاخوي وين اللي يقول ابوك انكم ماتصلون وبس نايمين .. ابتسم له اخوي ومشى وش يرد عليه !!

ولا تقولون عشان عمره .. لانه من طلعت للدنيا وهو يحبنا الى عمر 5 سنين بالكثير وبعدها يقلب ولا حتى يبوس او يلعبنا او يطالع فينا

وما نطلع لاحد ولا نزور احد كذا قاعدين مع انفسنا

ولا نحلم بمصروف لنا او طلعات

ما فيه الا مصروف البيت للاكل اقصد ويجي بعد المنه والطلايب

وكم مره نكلمه ونجيه باسلوب يقلب السالفه انه مسكين وظالمينه وان احنا نعامله كــ عدو مو اب

هذا غير الشك بخواتي وانا خصوصا

لدرجة لا اقعد مع اخواني ناداني وهاوشني وطردني من عندهم

ومره لقى نعال عند الباب ( تو اخوي شاريها بس ابوي ما شافها ) وطلع لغرفتي يركض ع الدرج

ويفتح الباب باقوى ما عنده ويسألني وينه ؟؟؟!!!!

وقتها كنت نايمه وصحيت مفجوعه ومااستوعبت وش يقصد

واطالع خايفه وما ادري وش السالفه ويفتش غرفتي وتحت السرير وفي الدولاب

يعني لو بدخل واحد البيت .. بيخلي نعاله عند الباب !!!!!

طيب بخلي باب غرفتي مفتوح ما اقفله بالمفتاح !!!!

وغيرهاااااا

دعواتكم ربي يسخر ابوي ويهديه ويألف بين قلبه وقلب امي واخواني

وربي امي تعبت ولا عاد تتحمل اكثر والحين هي متهاوشه معه وما تكلمه وكل شي طايح برأسي

عمري 27 والحمدالله ما عمري خنت ثقة اهلي وهم عارفييني زيين والحمدالله اخلاقي زينه واحاول اثبت على الالتزام

بس اسلوبه وشكه واتهامه لي يوووووووووووووووووجع قسم بالله

تجيك الاتهامات هذي من اقرب الناس لك ... من ابوووووك ؟؟؟ّ!!!!!

مدري شقول ولا ابي ادعي عليه لانه مهما كان ابوي

ادعو له ربي يهديه

وربي لا تعب ولا ارتفع عليه السكر يعوور قلبي لانه مبعد نفسه عنا

ولا عنده اصداقء او شي من البيت لتجارته ويرجع

وضعه وهو الحاله كذا وربي ارجمه مو عيشه

بس هو مو معطي احد مجال يتقرب منه

وكل ما حاولت ابره او اتقرب منه لقيته يصدني بتعامله او شكه