أبوي يحرجني من زوجي

السلام عليكم ورحمة الله
بنات
انا ابوي سليط اللسان علينا احنا أهل بيته ومايحترمنا ولا يحترم أمي واخواني
وطبعا يحترم كل الناس إلا أهل بيته
شخصيته ضعيفة جدًا جدًا بس يمثّل انه قوي ومسيطر ( نرجسي من الدرجة الاولى)
المهم بقولكم كذا موقف حصل معاه وانتم ارشدوني لأساليب التعامل معه بس لا احد يدعي عليه او يسب لأنه أبوي

لما ادخل انا وزوجي بيت اهلي يوقف عند الباب يستقبل زوجي ويسلم عليه بحرارة وانا يسلم عليّ بسرررعة وبدون نفَس واحيان يسحب علي مايسلم واكثر من مرة لما أجي أضيّف ابوي وزوجي واقطع الحلا يقول اقطعي الحلا زين وش فيك ماتعرفين أو مثلا أصب شاي ينتقد يقول ليه صبيتي لي بفنجال ؟؟ أبغى كأس أكبر
يسب في اخوي الصغير انه رسب لأنه ماسمع كلام ابوي
احيان يستهبل على أمي قداام زوجي !!وانا داخلي نااار تغلي لأن امي خط احممرررر
طبعًا ما يعطي مجال لأحد يتكلم بالمجلس بس هو يتكلم وسوالفه تفشل ويقاطع أي أحد يتكلم ولا كأنه شايف أحد قدامه وزوجي كثير يسلّك لسوالفه ويحاول يتخارج منه ويتعذر ويخرج

طبعًا انا ما أجبر زوجي يزور أبوي هو من نفسه يقول بزوره وانا الصراحة كرهت زيارات زوجي لابوي

صعبة أرد بعنف على ابوي قدام زوجي وبرضو صعبة يهينني قدامه ،،

ارشدوني لحل ياجماعة