هذا أول طبق لي في قسم الأطباق الساخنة وهو طبق سوري شامي = ( أبو بَـسْـطي ) >>> ولا تسألوني ليش هيك اسمه :)
والصراحة هو طبق مفيد ولذيذ كتير وبيشبه بمكوناته ( طباخ روحو ) كمان طبق شامي >> أسامي عجيبة ،، مرة نزلت وصفته العضوة الحبوبة نور عيني جنان ,,,
واعذروني يا بنات المقادير رح تكون حسب عيلتك وما في شي محدد
المقادير:
لحمة خاروف أو بقر مسلوقة مع ( بصلة ، ملح ، فلفل حب ، هيل حب ، عود قرفة=دارسين ، ورق غار )
يقطين مقطع مكعبات ويللي ما بيعرفه هي صورته ،، طبعا هي قطعة منه وهو كبير كتير هون عنا ما بعرف كيف شكله ببلادنا العربية ,, وقشرته خضراء من برة وقاسية نوعاً ما ,,,
بصل مقطع مكعبات
بندورة مقطعة مكعبات
حمص حب ( معلب ) نصف علبة
3 م. ك معجون الطماطم
3 م.ك نعنع يابس
2 سن كبير ثوم مهروس
3 م .ك عصير تمر هندي مركز
الطريقة:
يقلب البصل بزيت مازولا أو سمنة حتى يذبل
تضاف البندورة وتقلب معه
يضاف الحمص
ثم يضاف اليقطين ويقلب حتى ينضج ولا يحتاج كثيرا من الوقت ,, ويضاف ملح وفلفل حسب الرغبة ,,
يــــــــــــتــــــــــــــــبـــــــــــــــــــــــــع
:26: يرجى عدم الرد حتى الانتهاء :26:
ثم عندما يغلي يضاف الثوم والنعنع اليابس والتمر الهندي ،، ويترك قليلا على نار هادئة حتى يتسبك ،،
يقدم بجانبه الرز بالشعيرية أو البرغل بالشعيرية وهو معه ألذ طبعاً
ويؤكل بجانبه الخضرة المتنوعة ( جرجير ، بصل أخضر ، فجل ، فليلفة خضراء ) وعذراً لرداءة الصور ,,, >> تصوير موبايل ,,,
وصحة وعافية وأي سؤال أنا جاهزة ,,,,
ونحن هيك بنقول
أبو بسطي .... كلي وانبسطي .....:42: