أبى لمساتكم وذوقكم؟؟؟؟؟جزاكم الله كل خير

السلام عليكم ورحمة الله وبركاته
عزيزاتى بنات هذا المنتدى الرائع بصراحه تونى عرفت ان النت نعمه فظيعه والسبه انى لقيت احد استشيره واخذ برايه وانفذ شغلات منه بدون ما يطلع سوالف قلنا لها احنا الى شرنا عليها وتخبرون انتم عاد سوالفنا يالحريم على العموم اخيتكم ماتدرى وين ربى قاطها ومحتاجه نصايحكم بصراحه انا بكون صريحه معاكم انا ببيت ملك ولله الحمد وعلى ان تفصيله حلو بس احس انه مو مرتب احسه عفسه انا قاعده احاول اسوى واعدل وارتب ماادرى عندى احساس انه مافيه ذوق انا بصراحه اتبعت نصايح الاخوات الغاليات وسرمكت الدور العلوى وباقى الصبغ سويت بحث ولقيت ان الاخوات ينصحون بان الصبغه تكون ناعمه وماادرى شتنصحونى احط لون صبغ البيت الداخلى انا افكر برمادى فاتح ولاتقولون بيج لان زوجى مايواطنه والستاير شتنصحونى احط لغرف النوم اى نوع زوجى يقول حطى نوع عادى للى فوق وانا اقول انا مابديت اغير الى لانى ابى شى كشخه بكل مكان
وابى لمساتكم فى
طريقة ترتيب الغرف بصراحه احس غرفت نوم بناتى ارتب من غرفتى ماادرى عندى احساس انها مزعجه وكئيبه على ان الفرفه بصراحه فخمه بس طريقتى فيها تبط كبدى ماعرفت ارتبها الكتب فى كل مكان احسها مافيها لمسات ذوق احيانا اقول الله يعين زوجى على شكلى رجال مو مره ههههه والله لاتضحكون ماادبر فى الترتيب شى حتى اختى تقول غيرى طبعك لاينحاش الراجل
خواتى العزيزات انا اكتشفت (تقول مكتشفه الذره )انى حامل بالشهر الاول تهقون هالاحساس (الى مسيطر على من بيتى انه مو مرتب ولا حلو من الحمل وانا مخسره الرجال واشيل واحط ) وانا عندى ثلاث بنات الله يحفظهم ويصلحهم تكفون ادعولى ربى يرزقنى بالولد الصالح البار
بقولكم شغله بس هاه ديروا بالكم تضحكون
من خلال تصفحى لهالمنتدى اكتشفت ان فيه خزائن احذيه رائعه وانا بصراحه احط الجزم تحت السرير ههههه ماقلت لكم ماادرى وين الله قاطنى المهم خذيت صولر هالخزائن وعلى المحلات الى البنات امدحوها والاسبوع الجاى ان شاء الله تخلص وارتب شى من العفسه الى عندى سلام يالغاليات