أبيات لاتشبه الشِعر!!
ملحوظة:اقتطفت لكم الأبيات من موضوعي السابق ثرثرات تغريد..والشخصيات أدناه وهمية!
أحياناً أحب ترجمة أحاسيسي شعراً لانثراً!! ولكن الأبيات التي أنظمها هي محاولات أقل من متواضعة ينقصها الكثير والكثير لترتقي إلى مستوى الشعر وفنونه..ولكني أجدها محاولات لابأس بها طالما استطاعت أن تُخرج مكنونات صدري!!!
وكانت وحدة من بنات خالاتي اسمها ردينة..غالباً لما نجتمع مع بعض نسوي بيننا لعبة تشبه المساجلة الشعرية أنا أقِط بيت وهي ترد عليه ببيت والبقية يتابعون بشغف وضحك!!ويتونسون علينا.ومرات نَبَطي ومرات فصحى وشي شي الله لايوريكم!!الحمدلله مالحقوا علينا شعراء العرب وإلا حكموا علينا بالقصاص!!!
وبيوم قالت لي ردينة:
مالي أراكا هطول الدمعِ ياحادي
وبمقلتيك الهمَّ بات لائحٌ بادي
ما ذا التقلب منك؟ آآهٍ وياأسفا
وقد كنت بالأمس الصادح الشادي
أنا:
أنبيء ردينة أني في الهوى صادي
أرجو الرواء عباباً رائحا غادي
مالي ردينُ بغير وصالكم شغفا
جسمي ذوى واشتكى من هجره زادي
في الأبيات الوعظية:(نَبَطي)
ألا يا مِن دنيتك بإيديك
ويومن لك وعشر عليك
تِحِبْها وفيها متعـــلق
وتقول ماغيرها أعشق
وذنوبك فيها متعمـِق
ترى الموت بطريقه إليك
وخل دنياك وقوم إعمل
وتِذكَّر رب إن يمهـل
راح يحاسِبْك وما يهمل
وإحذر من عذابه يجيك!
في الوصف:
يحارُ العقل في وصف الجمالِ
يامَن أبدعت في خلق البرايا
كسوت الكون من حللِ الجلالِ
غدى يزهو كحلمٍ في الحكايا
هنا شمسٌ تضيء قفرَ الظلالِ
هُنا قمرٌ ينير سمــا صِبـايا
شموخ يُحكى في قمم الجبالِ
ويهدي العِزة في طي الحنايا
ولون الزهر يبسط في الخيالِ
مدى الإبداع يارب العطايا
في فن الصرقعة!!!
صغيرة تراي في سِني
بعقل عجوز في التفكير
ويـاما تكلــــموا عني
ملامة ونقد مع تعيير
ولكن مايهمنــي إني
أحب الحق دون تقصير
أخوي بيوم طلَّعنــي
ورحت البحر للتسيير
وأشوف لك شاب تِقِل جني
وشعره واقفن مايطير
ولابس بنطلون بني
مخصَّر عالجسم تخصير
وجنبه مُسجله يغني
وهو يرقص بلا تبرير
مسوي فيها قال يعني
شاب جِنتل ومرة خطير
كأنه في حفل فني
ومن حوله جَمَع جماهير
ويجي لك بان متثني
رطل ماكياج مع مغاتير
وفاح العطر وأزكمني
تِقِل صابة عشر قوارير
تطالع بنظرة تقهرني
تِقط من السما أقوى طير
وجاءأبوكعشة متعني
يرقمها ببرود ومايغير
وهي تضحك ولاكأني
كما الناقة ومعها بعير
وإن ماخبت أنا بظني
وإن ماخانني التعبير
كلاهم جاني متجني
وجاهل إن حسابه عسير
أو داري إنه متدني
بس يملك جمود خنزير!
=========
صرقعة 2:
وآه مِن زوجة حقودة ملسونه
مجننة الزوج ومطلِّعة عيونه
تذوقه الهم وألوانه وفنونه
وهو صـــــــــــابرٍ حيل
كان الله في عونـــــه
وهله على راسه يبون يزوجونه
وعنهم الرَجَّال مسدد أذونه
يقول خلوني وماودهم يخلونه
بأصبر ولي الجنة على حرمة مجنونة
في رثاء امرأة أرملة تفانت في خدمة أبنائها وكانت نهايتها بدار للمسنين كَتَبت:
ياأرملة ماتشتكي ويحكي الفقر عن حالها
كل همها تحيا بسلام لأجل تربي عيالهــا
تشقى وتكد ليل ونهار وتسد جوع أطفالها
لو تسألون عن أهلها؟ضعيفة ماتوا أهلها
والزوج خذاه الموت بعيد وماترك شيٍ لها
جادت بكل غالي ونفيس لعيالها من مالها
وضحَّت كثير بوقتها وبجهدها وكل فالها
إن العيال بس يكبرون يقدِرُون ما جالها
ويعوضون الصبر خير ويحققون آمالها
وللأسف صاروا رِجال وتعاونوا في إهمالها
ما فكرت يوم بيجي ولا خطر في بالهـا
إن الجميع بينكرون مجهودها وأفضالها
ويقطونها بدارٍ صغيرٍ للعُجُز أمثالهــا
خيرٍ عَمَلْتْ وشرٍلقيت صادقٍ من قالها
في الهجاء:
عابوا علي الصدق وعاد من زينهم
الكــذب منهجهم وخبز إيدينهــــم
مدري الصدق صاير رذيلة هالزمن
وهو اللي فرَّق بيني انا وبينهم
ولا الكذب صاير فضيلة هالعصر
ومجبورةٍ في الكذب إني أعينهم
في المدح:
أماه ياروحاً تفيضُ عذوبةً
يانبع حبٍ بالعطــا دفَّاقُ
مازلت أذكر عطفك وحنانك
حين مرضتُ ودمعك الرقراقُ
وجدائل سودٌ تُغطيني بها
في رحمة قد زانها الإشفاقُ
مناجاة:
إن تِضيق فيني الوسيعة
غير وصــلك ماأرتجي
ياغفورٍياإلهي يا كريمٍ
أشتكي لك و ألتجي
ربي الله إنت واحد
ومنهج أحمد منهجي
جيت بذنوب وخطايا
وعندك إنت مخرجي
إرضى واغفر لي يارب
قبلِ يومــــي لا يجي
وأخيراً أنا وردينة مرة أخرى!!
ردينة:
ياهلا بتغريد حبي الله جابِـك
مادريتي وش جرالي في غيابك
أنا:
مادريت احكي بسرعة شاللي صابك
في غيابي..وش جرالك شاللي نابِك؟
ردينة:
لي ساعة أنتظر حضرة جنابِك
فاتحة النِت وأتقلب وسط لابِك!
أنا:
ومن سمح لك ياردينة؟هيا قولي لي جوابك
ولا بأوريك شغلك... ثم أبادِر في عقابك
ردينة:
اللقافة طبع فيني يافصيحة!
آسكت آنا أو تحبين الفضيحة؟
أنا:
واثقة من نفسي زينٍ يالمليحة
وماأحط نفسي بوقفات قبيحة
ردينة:
الصراحة دخلت شات ودردشة
قلت يابنت هي فلة وفرفشة!
قمت أسولف وأنا حيل متبشبشة
وألقى بنتٍ صرقعة مع نعنشـــــة
وعشعشت بالمخ ذا عشعشة
وقمت أحاورها حوارٍ ما أدفشه
وطلبت مني الرقم
وقلت إيه حاضِر نعم
قالت:آلو.. قلت:سِقَم!
وأتوهق إثره شاب وماأعفشه!
وأقفل الخط ثم أحس بوشوشة
ظل يدق وماأرد ودي أطفِشه
شفتي آخرة الشات والدردشة؟
أنا:
مِن جهالة فيك سويتي البلا
لو أخذ رقمك وأعطاه للملا
وش بيصير؟واشهو المصير؟
علميني ياردينة يالغلا؟!!
صارحي قلبي عسى قلتي له شي
عن حياتك أو خصوصياتك شوي
ردينة:
الصراحة اندفعت أحكي بثقة
واعتقدته بنت وكلي فيه ثقة
ثم عجبني أسلوبه ويا منطقه
واستلمت الكيبورد حكي وطقطقة
أنا:
وليش نبحث عن صداقة خلف شاشة؟
ثُمْ تطيح الفاس بالراس من الطماشة
ردينة:
يعني يومك كيف تقضينه قولي لي
نوريني وعلميني واشرحي لي
الزهق صاير نصيبي وهو عديلي
أنا:
يومي أقضيه في عبادة
وخير وطاعات وزيادة
منها أرضي خالقــي
ومنها أوصل للريادة
أدخل النت وأتجول
ولغير خيرٍ أنا ماأدخل
أكتب بإيدي ذي مايسرني
وأبتعد عن كل شي يضرني
كل كلمة أنا بأتحاسب عليها
والتفاهة والمِصاخة وش لي فيها
دائماً اهتمي في شيٍ يفيــــدك
من رضى الله دوم يعطيك ويزيدك
والثقة بينك ومابين البشر
لازم تكون إبحدود
وإحذري لايجيك من مخلوق شر
واحذري عدو لدود
دخلتك للنت خليهــــا في طاعة
واذكري الله كل لحظة وكل ساعة
كم بنات صادها بعض الشباب
مثل حملٍ طايح بوسط الذياب
والسبايب منها كانت
ابتدت وبعدين عانت
هانت النفس وأهانت
احفظي نفسك نصيحة مني لك
وارفعي راسك ثم راس هلِك
واثق الخطوات يمشي كالملك
=============
كانت هذي كلماتي وأشعاري البسيطة..إن أسأت فأرجو المعذرة..وإن أحسنت فالحمدلله هذا من فضله..
ملحوظة:تغاضوا عن الوزن والقافية..أدري رايحة فيها!!
تأملوا في المعاني بس!!!!!!
رماح ردينية @rmah_rdyny
محررة ماسية
يلزم عليك تسجيل الدخول أولًا لكتابة تعليق.
رماح ردينية
•
=========================
غلاتي كلماتك روعـــــــــــــــــــــــــــــه تقبلي مروري وديغلاتي كلماتك روعـــــــــــــــــــــــــــــه تقبلي مروري ودي
ياهلا فيك عزيزتي
مرحبـــــــــــــــا روعه الابيات ما شاء الله عليكم مجهود رائع الله يوفقكممرحبـــــــــــــــا روعه الابيات ما شاء الله عليكم مجهود رائع الله يوفقكم
جزاك الله خير:26:
الصفحة الأخيرة