
صباح الخير يا ماسه يا نبض القلب واحساسه صباح ينشر العنبر لروح الزين وانفاسه
صباح احلى من السكر
صباح العطر والكادي
صباحك مسك ومبخر

بدايه الغربه مشوقه ومثيره لكن يليها الإحساس بالإزدحام
البداية دائما ضائعه, بالسكن بالاثاث بنمط الحياه.
بموضوعي هذا بتكلم عن الاثاث
وهو الموضوع الذي أتعبنا
لأن الميزانيه كانت محدده سلفا لذا الموضوع للتوفير من سعر الاثاث قدر المستطاع
وما اهتميت بالجوده لانه غالبا مايمديك تتهنين بالاثاث إلا وانتي راجعه للوطن.
بالنسبه لللأثاث عندك خيارين تستأجرين أو تشترين

فيه محلات كثيره شغلتها تأجر الاثاث ومتنوعه الاسعار بين غالي والمعقول
وهذا الخيار ما انصح فيه الا الي بتقعد 3 شهور او 4 شهور ,
اما الي بتقعد 7 شهور فما اكثر أوفر لها تشتري الأثاث بيطلع ارخص
والتأجير اغلى من البيع لانه يستغلون حالتك عارفين انه ما يمديك تشترين
<< عكس ما كان ببالي توقعته ارخص بس طلع اغلى بضعف المبلغ ,
وفي الغالب يأجرون اثاث مستعمل .
وعندك هالشركتين اذا قررتي تستاجرين:
http://www.cort.com/furniture-rental
https://www.aarons.com/
وفيه فكره حلوه للي عندهم رقم الضمان الاجتماعي اغلب المحلات يكون عندهم تاجير
للتمليك فا اذا قاعدين اقل من سنه تستاجرون علي اساس التمليك بنهايه الفتره
وعاده الدفعه الشهريه تكون رخيصه واذا خلصت فتره غربتكم ترجعون الاثاث للشركه .


قررتي تشترين الأثاث
السالفه يبي لها روقان وكاسه شاهي واسبوع على الاقل على ما تلقون الاثاث المناسب
اولا :حددي ميزانيتك وحددي المبلغ المعقول لكل قطعه وحطي بالحسبان انك ما راح
تستخدمينه الا فتره بسيطه يعني الميزانيه بتفرق كثير عن اثاث بتشترينه من بلدك
لانه بيقعدك لك سنين مثلا انا حددت اني مارح اشتري صوفا او كنب اكثر من 200 دولار
ايضا السرير نفس السعر مثلا طاوله جانبيه ما اتعدى ال 10 دولار وهكذا.
وفيه فرق اذا بتشترين مستعمل اكيد لازم يكون ارخص مع اني ما انصح ابدا تشترين
مستعمل من محل خصوصا مراتب وكنبات لانه حشره عثه الفراش منتشره بشكل كبير
وما تدرين من جالس عليه او نايم فيه . واذا اضطريتي للمستعمل اطلبي من المحل ينظفونه من الحشرات او يجيبون شهاده انه خالي من الحشرات,
ومن تجربتي وفرفرتي
بمحلات الأثاث المستعمل انهم نفس اسعار الأثاث الجديد مدري علي مين يستهبلون
(اجل كنب مشخمط عليه وقديم :09: وباين استعماله ب 300 دولار <<صباح الخير)
ثانيا :معك نوته وقلم عشان ما تنسين الاسعار اكتبي اسم المحل وسعر ارخص صوفا
وارخص سرير عنده للمقارنه بين كل محل دخلتيه
<<
توضيح
>>
بالنسبه للسرير BED عاده المقصود سرير عندهم بس الإيطار الخشب

مجرد زينه
اما المرتبه والقطع الي تحت يبيعونها لحالها لذا ارخص لكم تسالون عن سعر المراتب
وتتاكدون اذا يجي مع المرتبه البوكس سبرنغ الي هو القطعه الكبيره الي ترفع المرتبه
عن الارض
هذه مرتبه وتحتها السبرنغ بوكس

واذا حبيتي ترفعينها عن الارض تقدرين تشترين الحديد او الكفرات مثل هذه

وهذه بعض المواقع لمحلات مراتب الأسره
http://www.sears.com/shc/s/s_10153_12605_For+the+Home_Mattresses_
Foundations+%26+Box+Springs?sid=ISx20070515x00001d&psid=27x14728
http://www.mattress.com/
http://www.sleepys.com
,
,
يتبع