الله يسعدكم يا بنات والله قصصكم حلوة اختي نهاية العمر وام ابرار
انشالله تلاقي الطريقه اللي بدك اياها

home2004
فعلاً فكرت في هالطريقة لكن خايفة تطلع قاسية أو ما تنتفخ
شكراً ياغلا

ام عزيزان
فعلاً دونات علمتني الأيام أنا مجربتها وصلحتها مرتين و الله ما تفرق عن الجاهزة و ألذ من الجاهزة بعد
أما عجينة العشر دقائق هذه لي سنتين و أنا ودي أسويها لكن خايفة لأني مره جربت عجينة بدون تخمير طريقتها شبيهة بعجينة العشر دقائق ما ضبطت و فشلتني عند الضيوف
و دونات الماء والخضرة جازتلي كثير من يوم شفتها شكلها مشهي و كأنها جاهزة
تسلمين ما قصرتي أم عزوز

الماء والخضرة
و أنت العسل
والله فشلتني الدونات هذاك اليوم
ودوناتك والله عجبتني كثير و أن شاء الله أجربها
وبعدين مالقيتي هدية غير الدونات اليابسة الي كسرت أسناني
تسلمين يالغالية

أم ابرار
شفتي الدونات مسخرة فينا
أن شاء الله نلقى طريقة مثل الجاهز
تسلمين لمرورك

lenda
أنت الأحلى ويا هلا فيك

على فكرة تراني جربت طريقة في الفرن بقوالب الدونات أخذتها مدري من وين فيها لبن يعني تمشي الحال بس مو مثل دونات علمتني الأيام
سويتها مرة وما تشجعت أسويها مرة ثانية

ذخت مع الدونات من زماااااااان ...زوجي يموت فيهم و كل يوم يبي له دونات و انا كل مره احوس لي بطريقه و ما تضبط وياي ..اليى ان صارت المعجزه و لقيت دونات بالمنتدى ما ادري منو حاطتهم الله يجزاها خير و هاذي طريقتها الي اعتمدتها عندي من مده
المقادير هاذي تطلع لج درزن و اذا تبين اكثر ادبليهم ترى عادي
1م م خميره
2 م ماء دافي
3/4 كوب حليب دافي
2 و 1/2 ملعقه زبده
1 م م ملح
1/3 كوب سكر
2 و 3/4 طحين
بيضه
* ذوبي الخميره بالماي و خاليها تتخمر 5 دقايق
شغلي العجانه اذا عندج عجانه و اذا ما عندج توكلي على الله و اعجنيها حطي الحليب و الزبده البيضه السكر الملح و اخفقيهم حييييييييييييل يا ما يصير ناعم و املس
حطي نص كميه الطحين و اعجني 30 ثانيه
الحين سكري العجانه و كملي الشغل بيدج زودي الطحين الباقي عندج و لا خلصتي غطيها و خليها تتخمر مده ساعه
افردي العجين الى سماكه 1/2 سانتي و قطعيه على شكل الدونات ووزعيهم بصينيه و خليهم يتخمرون مره ثانيه حوالي 30 الى 45 دقيقه
سخني الزيت و اقليهم
الحين اذا تبينهم بصلصه سكر تطلع الدوناتايه عجييبه
صلصه السكر سهله و ممكن تحفظينها بالثلاجه
3 ملاعق كبار زبده اتذوبينهم و يا نص ملعقه فانيليا و صبي عليهم 1/3 كوب ما حار بعدين زودي السكر شوي شوي حوالي 2 كوب سكر ناعم
لا طلعتي الدونات من الزيت حطيها على الورق الماص و اغمسيها بصلصه السكر و رشي عليها جوز هند صدج تفتح النفس

للرفع

هههههههههههه

انا ايضا حصل معي هذا المقلب...
لكن الحمد لله اصبحت دوناتي في الفرن كالصمون..
ففتحتها من النصف..و وضعت فيها زبدة و مربى او عسل او زبدة الفستق و......
و اعجبت الجميع و لله الحمد..
لكنها بعيدة كل البعد عن الدونات!!!!

ارجو لك التوفيق..