أبيه ويبيني ليت الظروف ما تعيي

بعد تجربتين زواج فاشلة وكم خطبة فاشلة بعد بسبب الاختيار الخاطئ لناس كان جواز مرورهم عند أهلي هو "أصلهم وفصلهم" وفي الأخير ابن الأصل والفصل اللي زوجوه أهلي لأنه وافق معيارهم الأهم مرمطني ومرمطهم وكان حرفيا "قليل أصل ودم وأدب وتربية" .. علمنا شلون النذالة والخسة وقلة التقدير لي ولأهلي ومد يده علي وأكل مهري وقائمة النذالة تطول
الآن أنا في عمر الأربعين بيتقدم لي شخص تقدم لي لما كنت بالعشرين .. ويبدو إني كنت "حب حياته" لأنه ما تزوج بعدي إلى الآن .. أنا رفضته المرة الأولى لأني كنت ابي أدرس وأهلي بعد رفضوه لكن لسبب آخر وهو "أصله" ..
وحنا عندنا في الجنوب تصنيفات قبلية معقدة أنا حتى ماني مستوعبتها
أنا قبيلية وهو غير مكافئ قبليا
هذا الشخص ملتزم دينيا تربى في أسرة فاضلة
رجل مكافح عزيز نفس عصامي بنى نفسه بنفسه وما اعتمد على أحد واليوم هو رجل أعمال ناجح وشكله مقبول جدا بل وسيم وكثير من اللي حوله يبونه لكن هو يبيني أنا
وأنا أبي رجل اعتمد عليه وأحس معه بالأمان
رجل يخاف الله فيني ويعطف علي ويعوضني عن السنوات العجاف وموافقة عليه واعتبر نفسي محظوظة فيه بعد لأنه ما سبق له الزواج وقابل فيني رغم إني مطلقة مرتين
لكن أهلي رافضين عشان سالفة الأصل
وأنا أبيه مرة
وش فادني فيه اصل وفصل اللي قبله
وماني صغيرة ابي رجال تسكن روحي اليه ويخاف الله فيني
وش اسوي