أبي أحمل مرة ثاني

أنا بقولكم مأساتي والحمد لله (الذي لا يحمد على مكروه سواه )
أنا متزوجة من 5 سنوات وعندي ولد واحد الله يحفظه من كل شر إن شاء الله
الحين أقول مرضي ومعاناتي مع الدكاترة
وأنا كنت بنت يعني بعدي مامتزوجة كانت الدورة تتأخر عندي 6 أشهر يعني إذا ما خذيت دوا من الطبيبة ما تيجي الدورة وبعدين رحت اتعالجت في كل مكان ومافي فايدةحتى إن الشعر طلع في كل جسمي مثل الرجال
وبعدين اتزوجت وكنت بعد الزواج اروح واتعالج من انقطاع الدورة
وهذا كله ارزاق بيد الله سبحانه وتعالى
وشوفوا المعجزتين الي استوتلي
رحت المستشفى وقلتلهم ان الدورة متأخلرة علي وردت الطبيبة علي ليش انتي مستعجلة وايد اتهني في حياتج وبعدين فكري في العيال ، المهم قالت اتري سنة وبعدين بتتعالجين وتحملين ، وعطتلي الدوا إلي ينزل الدورة وبعد خمس أيام رحت الألعاب
والوقت كان ( مهرجان دبي للتسوق ) وما خليت لعبة من الألعاب الخطيرة ولعبتها وكانوا يكتبون ممنوع للحامل والمصاب بمرق قلب أو آلام الظهر ، هذا كله علشانم انزل الدورة
وبعدين نزلي شي بني ورحت العيادة الخاصة قالوا لي لنت حامل ولج شهر ونص
سبحان الله لو أراد شيئاً أن يقول له كن فيكون
وحملت وربيت ومنعت تقريبا سنة ونص كنت أرضع فيه الولد
المعجزة الثانية من رب العالمين والحمد لله على كل شي
وبعدين اشتقت لليهال وماحملت الحين لي أربع سنوات وأنا اتعالج وما حملت ماخليت حبوب ما خذيتها ولا ابر ( طلع في آخر شي مرض يسمونه تكيس بالمبايض ) وآخر مرة وكان قبل رمضان رحت مركز الاخصاب قالولي لازم اتسوين عملية منظار لتفجير التكيس وعطتلي دوا هو مال السكري وحددت الموعد علشان العملية ورحت المستشفى قبل العملية بيوم ومن الفحوصات الي قبل العملية اكتشفوا اني حامل سبحان الله وبعدين ما كان هذا الجنين من رزقي وطاح الولد والحين بعد بعيدون العملية لي
وخايفه منها
قولولي شو العملية هذي سهلة ولا صعبة

سامـــــــــــــــــــــــــــــــــــــــــــــــحوني .... :06: :44: طولت عليكم واااااااااااايد