أبي أزوج زوجي!!

السلام عليكم ورحمة الله وبركاته
يابنات انا والله صادقه ابي أزوج زوجي لأنه إنسان طيب وانا ما استاهله صراحه يعني ولأني مهمله وكسوله وبااارده
ودايم اقترح عليه اذا بغى ذاك الشي انه يروح يتزوج عشان ما لي نفس او ماني مروقه واصلاً لو تركني سنه ما طلبته لأَنِّي بااارده ثلج 😂 مو بس من هالناحية قصدي من كل شي ، حتى غيره مافيه، هو يشتغل بمكان شبه اختلاط، ودايم يقول لي عن اللي يشوفهن، وانا اضحك ولا همني😁
وعاااد البيت! يتراكم علي وانا جالسه متسدحه، ودايم ما لي خلق لا طلعات ولا جيات، وهو يحب انه يطلع وجو الوناسه والرومانسية وانا مررره ما لي خلق لهالاشياء، ابي بس اتسدح واتبطح 😟😂
تقولون وراه تزوجتي اجل؟ كنت احسب نفسي قد المسؤولية لقيت اني من جنبها الله يخلف 😟


المهم اني كم مره اقول لامي اني اقول لزوجي يتزوج وتهوشني، حتى بعض قرايبي اذا قلت لهم بالطقاق خليه يتزوج يطيرون عيونهم فيني!
وش المشكله طيب اذا تزوج؟ خليني ارتاح منه شوي 😅