أبي أسولف مين تبي تسمعني + وشرايكم باللي أسويه عبيطة أنا ولا لأ خخخخخ

السلاااااااااااااااااااااااااام عليكم ورحمة الله وبركااااااته

^
^

سلام وحدة رايقة ومبسوطة خخخخخخ


والله أني أحبكم وآخذ بمشورتكم دايم


المهم أنا الحمد لله بلغت الثلاثين من عمري ومازلت آنسة
لكن الحمد لله ماعندي أزمة ولا مشكلة .. ومن فترة وأنا أستغفر وأصلي السنن الرواتب وأحمد ربي أنه يسرها لي وغيري محروم منها ... أحس براحة نفسية عجيبة يارب لك الحمد

من فترة وصار يتقدمون لي ناس كثير بس سبحان الله ربي ماكتب لي نصيب اللحين
يا إما يكون الرفض منهم بسبب العمر يا مني ويكون غير منااسب لي


الحمد لله أنا دايم أدعي ربي بزوج صالح تقي يكون قدوتي في طاعة الله وعون لي في العبادة ومايكون فتنة لي <<< شفت بنات كثير أنقلب حالهم 180 درجة بع ماتزوجوا وهذا الشي والله يكدر خاطري :(

المهم أنا من فرط ثقتي بالله سبحانه وبأن ربي كريم ويعطي عباده أكثر مما سألوه

بقول لكم على شي عبيط أسويه اللحين خخخخخخ

أمثل ما أنتوا شايفين الدنيا مولعة نار الأيام ذي ويكفي الذهب كيف وصلت أسعاره :( .. وكل اللي حولي يا أما أهلهم زادوهم فلوس أو بعضهم دخلوا جمعيات برواتبهم زيادة على المهر

وأنا يتيمة وماعندي وظيفة وماعندي دخل إلا مصروفي من أخواني جزاهم الله خير

فصرت أيش أسوي ؟؟

أوفر جزء من مصروفي .. وجزء أجهز نفسي فيه يعني أوقات الخصومات أستغلها وأشتري لي ملابس بيت اللي ماتتغير موضتها .. أستشوار للشعر .. فير جديد .. فواحات .. شباشب .. شنطة مكياج صغيرة .. مراية .. بنس وأمشاط و كل ماهو بسيط وسخيف بس لو جمعتيه ياخذ ميزانية محترمة ... حتى فرشة الأسنان شريتها هع هع

بس أحاول أشتري شي ماله موضة ولا تاريخ صلاحية لأني ما أدري متى ربي يكتب لي الزواج

وعندي مخطط بعد أبي أشري شوية ذهب .. أساور وخواتم وكذا عشان أخفف عن نفسي بعدين

طبعا أشتري وأنا مبسوووطة وماقلت لأحد عشان مايضحكون على هبالي ههههههههه


شرايكم أنتوا باللي أسويه ؟؟؟


لو أطلب من أخواني يزيدوني مابيقصرون معي .. بس مابي أضغط عليهم أنا أعرف ضروفهم
عيال وديون وهم جزاهم الله خير مايقصرون عني بالمصروف الشهري