السلام عليكم
الله يعافيكم يابنات،، معي جوال، والله لو يقدر يتكلم كان تكلم وقال أرميني خلاص أنا تعبت وانتهى عمري..
هو بصراحة له 3 أو 4 سنوات معي..
وألحين قام يخبط تخبط مهوب صاحي..
المهم أنا أبي أشتري جوال وأبسرع وقت.. والمواصفات اللي تهمني هي كالتالي::
1- صوتي وصوت المتصل يكون واضح مهوب واطي وإلا يوشوش.
2- الرسائل، الخط يكون كبير وزين وواضح.
3- بلوتوث.
4- كاميرا تصويرها حلو مهوب شرط يكون ممتاز.
5-يحفظ مقاطع صوتيه ومرئية ونغمات وصور بأكبر قدر ممكن.
6- أقدر أرسل على جهاز الكمبيوتر وأستقبل منه سواء ببلوتوث أو كيبل.
7- لا يكون ثقيل مثل الأيفون، أبيه حليو خفيف.
8- لا يكون عريض ولا أقدرأمسكه إلا بيديني الثنتين، (يعني أنتن عارفات لو بالسوق ومعتس كومة أكياس وتبين تكتبين رسالة ماأضطر إني أحط الأكياس علشان أمسك الجوال وأرد وإلا أكتب رسالة).
9- ابيه عادي لايصفط ولايسحب ولا شي.
10- ياليت لو يكون فيه (دردشة) مثل الآيفون والبلاك بيري.
11- يكون فيه منبه خاص غير التقويم.
12- يكون شكله مقبول ولونه حلو لايصير (مخشرم) وقبيح مثل الباندا والبلاك بيري. يعني (وذيّـف).
والله يجزاكم خير لاتبخلون علي.. اللي عندها خبرة أو تعرف أحد يفهم بهالأشياء ماتقصر إن شاء الله
وعلى فكرة أنا ماني راعية مظاهر ولازم أخر شي نازل لا عادي مانيب أخالف << واضح والدليل الـ12 شرط اللي فوق :35:
إنسانة صريحة @ansan_sryh
عضوة جديدة
يلزم عليك تسجيل الدخول أولًا لكتابة تعليق.
AMBISHIN :
يااااساتر وش هالجوال الي فيه كل هالمواصفات خخخ اختي كم ميزانيتك؟ انا افكر اشتري بلاك بيري حلو ويخدم الي هو بيبي بولد سعره تقريبا 2000يااااساتر وش هالجوال الي فيه كل هالمواصفات خخخ اختي كم ميزانيتك؟ انا افكر اشتري بلاك بيري حلو...
إيه،، بس لو يغيرون شكله،، صراحة أبدًا مهوب حلو
يمدحون n8 انا صراحه ماجربته فوووق لعيونكيمدحون n8 انا صراحه ماجربته فوووق لعيونك
والله صراحة هو اللي في البال حاليًا،، بس سمعت أحد يقول فيه عيوب،، مدري هو يعلق مدري وش فيه..
مشكورة قلبو
مشكورة قلبو
ياحريم يامشرفات القسم الله يعافيكم انقلوا موضوعي لقسم الجوال
آسفة والله مدري وشلون حطيته فيذا جالسة ساعة ادوره بقسم الجوال على بالي حاطته هناك وتفاجأت أني حاطته هنا مدري وشلون!!!!!!!!!!!!
آسفة والله مدري وشلون حطيته فيذا جالسة ساعة ادوره بقسم الجوال على بالي حاطته هناك وتفاجأت أني حاطته هنا مدري وشلون!!!!!!!!!!!!
الصفحة الأخيرة
وش هالجوال الي فيه كل هالمواصفات خخخ
اختي كم ميزانيتك؟
انا افكر اشتري بلاك بيري حلو ويخدم
الي هو بيبي بولد
سعره تقريبا 2000