أبي أعرف طريقة تدليك فروة الراس ... ضروري حوائيات موضوع مهم

هلا حبيبتي افضل طريقه يكون عندك مشط خشبي وتسرحي في جميع الاتجاهات وتقلبي شعرك عقدام ونفس الشي ثم تبدأ تدليك من تحت لفوق ومن الجنبين لفوق بهدوء وفي جو هادي ودفي الزيت وبالتوفيق غاليتي ...تحياتي

مشكورة هدولة ربي يسعدك ويوفقك ياااااااااااااارب
بس التدليك مع الزيت بنفس الوقت مع بعض ولا أدلك اول ثم بعدين أحط الزيت .... ياليت أحد يجاوبني ؟؟
والتدليك بروس الاصابع أحركهم ع شعري ولا كييف ؟ لأني سمعت وحدة تقول لا تدلكي بأضافرك غلط بس بروس ألاصابع
أحرك جلدة الراس صحيح ولا غلط ؟
ربي يسعد اللي تجاوبني

شوفي ياقلبي
انا عندي كتاب خاص للشعر عنايته وتدليكه وكللللل شي
عاد باكتبلج اللي مكتوب فيه عن التدليك بس بالعاميه اوووكي ياعمري

حطي ايدج ورا اذنج واضغطي بطرف اصابعج مو باضافرج(((والشعر مدهون او ناشف عادي ترا))
انزين وامشي من ورا اذنج لين النص اقصد نص الجمجمه بطريقت الدوائر الخفيفه عشان يتحرك الدم اللي بالراس
وبعدين امشي لي جدام عند القمه وكملي تدليك هم دوائر ونزلي تحت عند القفا وضغطي ودلكي
وكرري هالتدليك لمدت 3 او 5 دقايه يوميا مرتين

وبس

>>>اتمنى اتج فهمتيني

واذا ما فهمتيني قولي لي عشان اوضحلج اكثر يالغاليه

فديتج وعسا الله يكثف شعرج ويوقف تساقطه يارب>>>ادعيلي بالذريه لو نفع معاج هالتدليك اوووكي ياقلبي

أروع أمراءة ربي يسعدك ويرزقك الذرية الصالحة التامة ويفرح قلبك بشوفتهم ويرزقك بنيين وبناات يااارب وتبشرينا بحملك هالشهررر
يااارب يااكريم .

انا بعد طريقتي هذي بالتدليك نفعتني وعن جد خففت التساااقط بشكل
كبييييييييييير ولله الحمد ومع الوقت يتوقف نهائيا
بس ضروري كل يوم ولمدة 15 - 30 دقيقة
اول شي دفي الزيت الي ترتاحين له ضروري
يكون دافئ ومعه قليل من السدر
لازم يكون الزيت اكثر من السدر يعني الخلطة
تكون شبه سائلة واعيد واكرر دفي الزيت
عشان يفتح المسام عندك ومنها يدخل الزيت بالجذور
ومنها يتغذى وينمو بسررررعة ويكثف
المهم غمسي اصابعك بالخلطة وحركيها
وعلى طول عالفروة دلكيها مو بالقوة
ولاعالخفيف وسط يعني
وخلي التدليك على اطراف اصابعك مو
باظافرك هذا غلط وبرضو يكون التدليك على شكل دوائر
ابتداءا من الخلف لحد المقدمة ومن خلف
الاذن الى الاذن الثانية وهكذا لمدة نص ساعة او اقل
والله ان هالطريقة كثفت شعري وطولته بسررررررررررعة ماشاءالله