بانتظااااااااااارج أماني المدينة :)

ليش ما تتصلين على أحد البنوك في البحرين أو احدى شركات الأسهم و تستفسرين عن أي سؤال في بالج؟

أنا درست في الجامعة محاسبة وادارة أعمال و اشتغلت في البنك عشر سنوات لكن ما عندي خلفية كبيرة في الأسهم لأني اشتغلت في دوائر ما لها علاقة بالاسهم .. وصار لي ألحين حوالي ثمانية أشهر اشتغل في شركة استثمارات كلها عن طريق الأسهم والسهم عندنا بمئة ألف دولار
لكن ما أدري ليش ما أحب الأسهم وسوالفها بالرغم من اني مديرة المكتب !!!!!!!!!

المهم الله يوفقج ولازم في البداية تفتحين لج حساب في البنك و حاولي تشترين أسهم الشركات القوية اللي مب متوقعه انهم يخسرون بنزول قيمة أسهمهم .. واذا ارتفع قيمة السهم اللي اشتريتيه بيعي و لا تنتظرين وايد وبعدين يرد ينزل السهم وما تستفيدين

نهى حبيبتي هذاني قاعدة اسئل من الحين عشان ما أتخرج الا و أنا عندي خلفية عن الأسهم خاصة و ان الشغلة مربحة للي يعرف لها و يفهم أصولها بس ترى ما أعرف شركات الأسهم اللي عندنا و بيني و بينج ما يمدحون أسهمنا ذاك الزود بس أسهم السعودية يقولون مربحة :)
و 100 ألف دولار بوووو وايد يعني 37800 دينار يا لهووووووووي لهالدرجة الأسهم غالية !!

اماني المدينة الله يوفقك اكتبي الموضوع على العام عشان الكل يستفيد ويدعون لك

حبيبتي القمر ...
الموضوع وما فيه ..
بنقول انج عندج .. فلوس
وبنفترض ان عندج 100000
اوكي تسجلين في شركة من الشركات المعروفة والافضل تكون شركة اسلامية .. للوساطة و يا حبذا لو عندهم تداول بالانترنت ...
هذي اهم الاشياء ...
وبعدين بعد التسجيل ..
هما بيطلعون لج رقم مستثمر .. وحساب التداول مثل ما هو في البنوك .. ( حساب المصرفي )
بعدين بطحطين فلوسج .. في الشركة ...
وتبدئين بالشراء .. وتدخلين ... في اسهم استثمار ..
اي هي الاسهم الى متوقع لها الصعود في فترة زمنية من اسبوعين لشهر ...
مثلا احنا في الامارات .. نختار .. سهم اتصالات .. او سهم ارمكس او سهم راس الخيمة للاسمنت ...
لكن الاحسن انج تشوفين شو الاسهم الي عندكم ...
وتراقبين السوق وبس يرتفع سعره .. كم درهم .. تتصلين بالشركة عشان يبيعون لج الاسهم ...
او تتعاملين بالانترنت انت تشترين وانت تبيعين ...
وانا انصحج تدخلين هالعالم في هالفترة لان شهر 9 و10 بنكون قمة الارتفاعات .. وبعد ما تبيعين .. تنتظرين السهم ينزل عشان تاخذينه من تحت ...

ان شاء الله تكونين استفدتي .. يا رب