أبي أفضفض بس

السلام عليكم ورحمة الله وبركاته
بنات أنا متضايقه حبتين بس! ههههه وودي أفضفض شوي بس أبيكم تتفهمون وصغي زين أنا كنت أحب واحد حب شريف الله يشهد على ذلك وهو نفس الشي وكان يبي يتزوجني درسنا وتخرجنا وهو متمسك برأيه وخطب بس ماحصل نصيب أنا تضايقت لأني مرتاحه له ومبرمجه حياتي علييه وتخيلت عيالنا بعد كيف أشكالهم بتصير كنت أرفض كثير عشانه يعيني زي مايقولون الحب أعمى المهم طول الموضوع فوق ? سنين وماتغير شي
أنا طول هالفتره مافكرت بالدعاء حتى الاستخاره ماصليتها بيني وبينكم ماكنت افهم للاستخاره وتقريبا من كم شهر قريت مواضيع عن الدعاء عرفت اين كنت في قمة جهلي المهم قعدت ادعي بالحاح ان يرزقني هالانسان ويصلحه ويسخره لي أقسم بالله ارتحت كثير وأنا ادعي حسيت الله بيستجيب لي بعدها بفتره سمعت انه خطب وبيملك قريب وربي تضايقت كثير وبنفس الوقت مألومه واحد يبي يشوف مستقبله وماهو ملزوم ينتظر شيء مايدري هو يصير أو لا المهم استمريت بالدعاء وانه يرجعلي ويكون من نصيبي يوميا اتصدق ومع الصدقه صارت نفسيتي حلو وحسيت الله ماراح يخيب ظني والفتره هدي صرت أشوف أحلام وفسرتها عند مفسرين ومن ضمنهم الخمسان وقالي أغسلي يدك من هالرجال مافي أمل تأخدينه قلتله أنا ادعي ربي والله وعدنا بالاجابه وأنا مرتاحه وأنا ادعي قال هالانسان ماهو خير لك ولا ينفع لك أبدا مع انه والله طيب وإخلاقه زينه بس وش أقول حكمه من الله ومن بعد ماقالي هالتفسير بطلت ادعي باسمه صرت ادعي بالزوج الصالح وفعلا ماطولت إلا وجايني اثنين بنفس الوقت واحد له منصب كبير والثاني نفس الشي يعني أي بنت تحلم فيهم بس والله مافرحت قلبي مع الأول
بس راح استخير ان شالله واشوف حياتي
أدعولي تكفون الله يوفقني •