خليك جبل مايهزك ريح
لنفرض في جبل كبير وجت سيارة وصدمته بس الجبل ماتحرك ولاشي صح ثاني يوم جت نفس السيارة وصدمت الجبل وثالث يوم نفس الشي
الجبل هو نفس الجبل بس السيارة اكلت تبن راحت وطي كلها تصدم وراعي السيارة غصب عن خشمة يصلح السيارة ويدفع عليها ولا راح يعيد التجربه
انتي لما زوجك يمدح غيرك ردي على زوجك بس بينك وبين نفسك
قال فلانه طبخها احسن ردي على نفسك من داخل قولي وانا طبخي حلو بعد امدحي نفسك
فلانه عيالها احسن من عيالي امدحي عيالك بنفسك قولي عيال احسن عيال فديتهم وابتسمي له فقط لما تمدحين نفسك طبعا بثقة راح تعطيك طاقة ايجابيه وترتاحين نفسيا
لاتمدحين زوجك ابدا ابدا ولاتسبينه خليك الجبل الصامت القوي
اعتبري نفسك بدون زوج مووقت اعتبريه خيال حاله حال الجني ماتشوفينه
طبقي اسلوب جديد معه , حبي نفسك ,اذا مدحتك بنتك قوليلها احلى الكلام وبوسيهاا وتستاهلين اكثر واذا رد عليك هو كملي كلام مع بنتك وانت مبسوطه كأنك ماتسمعينه, ابداً لاتخلينه يستفزك
حتى ان قال احمدي ربك اني عندك , قولي احمده انو عطآني نعمة ورتني كيف ان انا انسانه كامله قوليها بثقه, مو دايم تتحدينه طنشي اغلب كلامه ولاتخلينه يأثر فيك ابدآ
ادري انو احيانآ صعب ماتتأثرين بس ان طلع وراح افرشي سجاادتك وانطرحي لربك , والله ربي كريم عظيم سبحانه لايرد لنا دعوه ولآ يخيب لنا أمل فيه سبحانه ,
اهتمي بنفسك العبي مع بنتك اكشخي البسي , شعرك اهتمي فيه اطبخي سوي كل شي تحبينه بمووود عااالي
خليك ايجابيه قويه بربك وثقي ثقي ثقي انه راح يتغير بيوم بس الدعااااء لاتخلينه وتغيير اسلوبك ...اقري مقالات بالنت واقري للدكتورة ناعمه الهاشمي ...