انا حيل حاسه باللي انتي فيه

بس اقولج شي تصدقيني

تخيلي انا الحين في الجامعه وهذي اخر سنه لي

مع العلم اني بالجامعه منذ خمس سنوات

تصدقين ؟؟؟ ليلحين ما عندي احد اقعد معاه بالفراغ

دايما تلقيني بالمكتبه اقرى كتب او اني اروح اقعد عند دكتور من الدكاتره اللي امون عليهم

او تلقيني اروح عند دكتوره اسألها عن شي

او احيانا اصادف احد من زميلائي أو زملائي بالجامعه اتقاسم معاهم اطراف حديثهم مهما كان حديثهم .. واذا شفت ما

عفت من حش وغيره ( طبعا هذا القاه بالبنات اكثر) انسحب بهدوء واتعذر لهم بان عندي شغل يعني انتي الفتره اللي

بتجلسينها في المدرسه بدون دراسه اشكثر اكثرها عشر دقايق

مع العلم اني بالثانويه صديقاتي ما ينعدون ( غير عن الجامعه ) الكل يتمنى اني اسلم عليه او امر واسولف معاه لدرجه ان حتى الناظره والمدرسات احيانا ينادوني اشرب قهوه معاهم وياخذون رايي في بعض الاشياء اللي تخص المدرسه ولا كان عندي وقت كثير اني اقعد مع البنات واسولف واضحك اقولج ليششش؟؟

لاني كنت عضو في مجلس الطالبات ، بنفس الوقت كنت لاعبه طائره في فريق الطائره ، بنفس الوقت كنت من اهم افراد فرقه الموسيقى حيث كنت الوحيده بالمدرسه اعزف على آله العود ، وعندنا شي اسمه مرشدات ما ادري اذا عندكم ولا لا .. كنت ايضا مرشده مع فرقه المرشدات ،، وادري بتقولين اني متناقضه لكن لان ولله الحمد صوتي حلو فكنت اغني في كل حفلات المدرسه .. ومقرءه جيده للقرآن بشهاده مدرساتي .. كما اني كنت بين فتره وفتره مسؤوله عن الاذاعه وتقديم طابور الصباح.. وعندي معارف وايد في مجالات وايد خارج المدرسه من مصممين ديكور وخياطين ومهندسين صوت وشعراء وملحنين وموظفين بوزاره التربيه فكانت اداره المدرسه تعتمد علي في كثير من الامور اللي تخص المدرسه.. فكنت مثل الاخطبوط كل شي رازه ويهي فيه .. كل ما يدور او اغلب ما يدور بالمدرسه لي ايد فيه .. خلج مثلي ايجابيه .. قوي علاقتج في مدرساتج .. راح يفيدونج اكثر من الطالبات صدقيني
وراح تتعلمين اكثر خصوصا انج في سن الحين قاعد تبنين فيه شخصيتج .. قوي شخصيتج في علاقات انفع لج من الحش والهذره البطاله..صدقيني بعد مرور السنين راح تلقين نفسج انج قد المسؤوليه وانسانه ناجحه بعلاقاتج وعملج
اختي الصغيره بيني وبينها ست سنين والمدرسات في كل المراحل اللي تمر فيها يذكروني عندها والحمدلله بالخير ويطلبون منها رقمي وكل يوم وحده تسلم علي
خليك مثلي .. شوفي انتي متميزه بايش؟؟
شنو اكثر شي تحبينه وتقدرين تعطين فيه من قلبج.. اشتركي في اكثر من قسم في المدرسه ونشاطاتها .. خلج طالبه فعاله في المدرسه حرام تتخرجين وانتي اسمج لا يذكر .. تخرجي من المدرسه وانتي انجازاتج مكسره الدنيا بالمدرسه
وبلوري مواهبج على هذا الاساس.. واي شي تبينه او محتاجه تعرفينه راسليني على الخاص وما يصير خاطرج إلا طيب حبوبه

هذي نصيحتي واتمنى لج كل خير يا رب
تحياتي

أصيلة مره عجبتني نصائحك وأنا مو مقصره على المدرســة :) اسوي للمعلمات دروس على البروجكتر بالبور بوينت حتى البنات يقولون لي انتي وش بلاك ؟ كل درس نلقى اسمك مكتوب فيه هههههههههههههههههههههه

مره تسلمين لي .. في الجامعة ما تقعدين مع احد ؟ ليش ما فيه احد ارتحتي له ؟؟ بس حلو تستغلينه في شيء ازين بعد انتي من فين ؟ نظامكم مره حلو في المدرسة :) فيها أشياء كثييييييير

المحبة للجميع أشكرك عيني على الرد .. عاد تدرين عندي امنية اني اسافر مع صديقاتي او حتى زميلاتي ما يخالف في السفر بنكون دايما سوى ههههههههههه والله يصير قمة الوناسة ومواقف ... أنا الحين اقول لأهلي أبي أدرس الجامعه برى السعودية ... لأني متفوقة وأستاهل يعني اكيد الدراسة برى احسن خصوصا علشان اللغة (الإنجليزي) وانا عندي رغبة اني اغترب وارجع لأهلي وانا كبرانه شوي يطلع لي طله مره حلوة :) (شوفوا التفكير) لووول بس ابوي يقول تزوجي بعدين سافري مع زوجك وادرسي هناك انا ما ابي مع زوج ابي بروحي او مع صديقاتي بس ما فيه امل يقول اخليك لحالك ؟ ليش انهبلت خخخخخخخخخخخ

هههههههههههههههه سويت الله يوفقك يا رب وصلت :) اشوف نفسي على وشو ؟!!

وقفوا شوي آسفة ما انتبهت على كلمة محرر اللي تحت اسمك :)

قصة قصيره هههههههههههه (ما اعرف فرنسي) مو مثل نوفل بالانجليزي =رواية ؟؟ وأوكي ههههه :)

أزهار الربيع مره اشكر لك ردّك .. :26:

همس النسيم هههههههههههه حسين نفسي بيبي :) يوم تقولين يا دلبي والله تدننين الحمدلله يا رب الله يحفظهم اهلي :) تسلمين والله كبر راسي يوم قلتي متربية تربيه سليمة بأروح أبوس راس ابوي وامي ههههههه واذا قالوا ليش اقول همس تقول انكم ربيتوني تربية سليمة وصادقة والله احلى بنات


في أمان الكريم

أصيلة مره عجبتني نصائحك وأنا مو مقصره على المدرســة اسوي للمعلمات دروس على البروجكتر بالبور بوينت حتى البنات يقولون لي انتي وش بلاك ؟ كل درس نلقى اسمك مكتوب فيه هههههههههههههههههههههه

برافو برافو برافو هذا شي وايد حلو ويدل على انج شخصيه فعاله وان شاء الله تكونين فعاله لمجتمعج وتخدمين ديرتج


مره تسلمين لي .. في الجامعة ما تقعدين مع احد ؟ ليش ما فيه احد ارتحتي له ؟؟ بس حلو تستغلينه في شيء ازين بعد انتي من فين ؟ نظامكم مره حلو في المدرسة فيها أشياء كثييييييير

بالجامعه .. انا ما قلت ما اقعد مع احد .. انا قلت اغلب اوقاتي اكون لوحدي ما اقعد فيها مع احد لاني جربت صحبه الثانويه وعلى قولتكم وقوله البنات الشله .. بس الشله مو فايدتني بشي بدليل ان تخرجنا من الثانويه ووينهم الحين؟؟؟
يا دوب بين فتره وفتره يتصلون .. فقررت اني اطور مواهبي واحتك اكثر مع مدرسيني ومدرساتي او دكاترتي ودكتوراتي بالجامعه واستفيد شي من خبرتهم الكبيره من انجليزي وعربي واعلام وعلم نفس وعلم اجتماع وحضارات
قوي ايمانج بالله وكثري من ثقتج بنفسج وبذاتج وان شاء الله راح تفلحين .. انا حاسه انج انسانه محبوبه بس انتي مثل ما ذكرتي ان المدرسه جديده عليج .. فميخالف الموضوع ياخذ شويه وقت
انا من الكويت
ولا اعرف عن نظامكم بالمدرسه .. كلميني عن نظامكم بالمدرسه .. والانشطه وكذا عشان اقدر اقدم لج اقتراحات

تحياتي

اختج / اصيله

فتافيت سكر

حياك حبيبتي بيننا .... وياحبي لك تصدقين اول مره اقرأ حاجه تفتح النفس
في قسم المشاكل... انا مااقصد انقص من حجم مشكلتك لاعيوني معاذالله بس لانك رجعتيني
عشرين سنه وره <<<<< امززززززززززززح لاتصدقون ههههههه
مالي غير سنتين من نخرجت من الثانويه .. وكانت ايام تهبـــل الله يرحمها بس :44:
كانو صديقاتي غير شكل يعني مع بعض من الابتدائي الين الثانوي.. لكن للاسف تفرقنا بعد التخرج الي دخلت جامعه(مثلي) والي كليه والي مانقبلت يعني ضعنا .....
وفي النهايه تعرفت على بنات جدد في الجامعه والحمدلله ماشي الحال ... وانا مع الاخ وقفو شوي ان صداقة البنات ماتدوم زي الاولاد لان عندنا عادات شوي ترفع الضغط <<<< مو شوي الاكثير
يعني البنت ملاتزور صديقاتها الا نادرا...او اذا كانوا معرفه من زمان (يعني تقريبا معرفة 100 سنه) هههههههههه
بس يالله الحمدلله كل هذا في صالحنا ....
سلام..