أبي أفكار حق أبوي حبيبي

مرحبا خواتي العزيزات

بدخل بالموضوع على طول

أبوي كبير بالعمر شبه مخرف

أنا من نوع الي أهتم فيه مره

وله فتره صار نومه قليل وانا متابعه حالته مع طبيب

وقال حاولي تغيرين روتينه كل فتره

اصبحت أعطيه حلاوه مصاص وصار يفرح فيها يقول خشيها لي كل يوم تعطيني حبه

أصبحت أعطيه فنجان واحد قهوه فقط لأنها ممنوع منها وكمان تمره حبه

اصبح كل يوم على قناة ساحه أو صحراء أعيشه دور البداوه وكذا

العصر طلعه بالحوش بعربيته يجلس ربع ساعه وعقب رجعه على فراشه لأنه مايقدر يمشي مبتوره

رجله

برغم معاد فيه رجال يزورونه غير نادر صرت أنا وأختي نمثل دور واحد يطق الباب

وهو كمان يتحمس يقول اقلط ومن ذا الكلام ويفرح

شجعني دكتور على أفكاري يقول علشان رجل الكبير يمل من حياته ويصبح يقول الموت أفضل لي


لكن الحمدالله قبل كان يقولها أبوي لكن بعد هذا روتين تغيرت نفسيته حمدالله

هالحين أبي أفكار ثانيه أبي طرق جديده لجل مايمل وينتكس حياته

أختكم حبيبة أبوها