أبي أكسر حاجز الخوف وأخرج من العزلة واستغل فراغي بالمفيد..

اسأل الله العظيم ان يشرح صدرك وييسر امرك ويفرجها عليك

جاهدي نفسك لو خروج بسيط حديقه او بحر مع اهلك او شوفي لك اي جهات تحفيظ قرآن

وان شاء الله تلاقين عمل تطوعي افضل وله انعكاسه الايجابي على نفسك

بالنسبه للخوف او الرجفه هذا بسبب الخجل الشديد او الرهاب الاجتماعي وعلاجه الناجح تعديل السلوك والتفكير

يعني انتي مو ناقصك شي عن الناس صح ؟ وكل الناس يزورون بعض ويسلمون على بعض وهذا امر طبيعي وعادي وبسيط وانتي قادره انك تعملينه لكن تفكيرك يوهمك ويوسوس لك بخوف وهمي

اجلسي بينك وبين نفسك يومياً رددي كلمات ايجابيه في تفكيرك مثل انا واثقه في نفسي ، انا واثقه في شكلي وجمالي ، انا اقدر اواجه الناس بكل بساطه وراحه ، انا اقدر اتكلم واتناقش مع الناس براحه وبساطه تامه ، انا اعبر عن نفسي وعن افكاري وشخصيتي بكل حريه ، انا مرتاحه وسعيده ، انا احب نفسي واحب الناس

كلمات ايجابيه لها اثرها على عقلك الباطن اللي اوهمتيه انك تخافين وتخجلين

غيري حياتك والمفتاح بيدك

اسأل الله لك التوفيق والتيسير والسعاده وانشراح الصدر

تذكرتك الله يشفيك ويعافيك باذن الله