أبي أكون أكثر عفوية وقوية شخصية

ليالـ الفجر :

انت مو واثقة من نفسك... كلامك "بس أحس من داخلي غير مرغوب فيني ومنبووذة لأن الكل ينفر مني ومايحبون يسولفون معي مع أني اسولف عادي مثلي مثل غيري وش الغريب فيني" احس اني مضطرة اشكك في صحة انك منبوذة لانك شديدة نقد لنفسك٫ يخليك تحسين ان الناس ماتحبك لانك اصلا مو مقتنعة بنفسك... لو الناس ينفرون منك كان مامداك تسولفين اصلا! راجعي الجملة الناس تنفر منك ومع ذلك تسولفين؟ حبيبتي الي ينفرون الناس منه مايعطونه وجه وكل قعدته عالصامت انت مو قادرة تستغلين مواهبك في جذب الناس لك٫ الناس تحب الشخص الي عنده شيء جديد٫ شيء غير (يا اخبار جديدة ياسوالف جديدة)... وانت عندك هالشيء... اما النوعية الي طول الوقت اقل من غيرها لانها خايفة من النقد وكلام الناس... مابيمشي وضعك مع الناس غيرك واجد ماعندهم لا مواهب ولا شيء٫ ومع ذلك الناس حولهم وش كثر٫ لانهم عارفين وش يلفت نظر الناس... انا ماعندي خلفية عن طريقة علاج اي شيء له علاقة بـ "الرهاب الاجتماعي" كعلم يدرس... لكن بالنسبة لي تعلمت ان الشغلات الي اخاف منها ولها رهبة عندي لازم اواجهها لين تصير شيء عادي عندي! مثل الوقفة قدام عشرات الناس والقاء محاضرات وغيره... كلها شغلات تخوف في البداية لكن لما تتعودين عليها تصير شيء عادي... انت حددي الشغلات الي لها رهبة عندك٫ و واجهيها... ابني ثقتك بنفسك... انا ماكان عندي ثقة بنفسي لما كنت صغيرة ايضا لنفس السبب امي واختي... بس لما كبرت الحين ماتصدقين الشغلات الي كنت اتعرض لها وشخصيتي الحالية... لا تحاولين تدفنين نفسك تحت مسميات "الرهاب الاجتماعي" وغيره ... الحكي هذا ماراح يحقق لك الي تبينه ولا راح يقوي شخصيتك٫ بالعكس بيخليك تستسلمين مع انك ممكن مايكون عندك اي رهاب٫ مجرد قلة ثقة بالنفس!

انت مو واثقة من نفسك... كلامك "بس أحس من داخلي غير مرغوب فيني ومنبووذة لأن الكل ينفر مني ومايحبون...

..... :

هذا التعليق محذوف

..... :

هذا التعليق محذوف