أبي اقولكم قصه ولادتي كوميديا

السلام عليكم صراحه حمستوني اكتب قصه ولادتي واله قصتي تضحك:42: وبنفس الوقت تحزن:( ماصارت المهم ياغاليات انا ماكان ابد فيني اعراض ولاده ابدا يصير قبل 7 ايام متنومه عشان عندي ولاده مبكره وقالوا راح نحولك اسعاف على القاعده لايروح فكركم بعيد القاعده مستشفى بالدمام ايه تصدقون خفت خخخخخ المهم ليه عشان وزن الجنين صغييييييير مره سبحان الله وانا بالتاسع والله قالوا لازم عنايه مركزه للبيبي انا هينا انا وزوجي حزنااااااااااااا وانا جلست ابكي عند الدكتوره وزوجي خانقته العبره واقول فكوا عني التخطيط ماابي اسمع قلبه انتم تبون تعذبوني خلاس يبي يموت قالت لا لا بس احنا عشان ماعندنا عنايه مركزه فاضيه للاطفال واحنا نبي البيبي يولد بعد 4 ايام بس يكون اكتمل وهذا انا ادعي طبعا انا في مستشفى الظهران العسكري المهم احجزت ليا مكان في القاعده وانا ماابي اروح لان مراجعتي في الظهران وهم رووووووووووووووووووووووووووعه الله يذكرهم بالخير ودق التليفون وقال استشاري الاطفال خلاس لاتحولونها انا ابي اصير موجود ولقيت للبيبي مكان سبحان الله ربي استجاب دائعي الحمد لله المهم اتنومت وجا الصباح الدكتور وقال مااتوقع عندك ولاده واكشفت عليا الدكتوره من تحت قالت مفتوح 3 سانتي خلاس راح تجلسين ليما نشوف وحااااطيني في غرفه الولاده ومتت برررررررررررررد المهم اصلي وارجع وتجي فلبينيه عسسسسسسسسسسسسل ومسلمه قالت صلي وادعي بيبي ماينزل عشان بيبي صغيييييير قلت ان شاء الله جا زوجي من الدوام الظهر وجا وجلس عندي وانا ماغير ساكته واتخيل اني مااااااراح اسمع ذا اصوت اللي اسمعه الان ولاالحركه اللي كل يوم العب معاه اني اصلح مساج على بطني ويتحرك وقول لزوجي هذا الكلام وهو ماغير ساكت ويطالع فيني وبالارض ويوم جا المغرب قالوا يلا للتنويم وانا يصير جايتم امس العشاء شوفوا يوم بغرفه الولاده لاحول ولاقوه الابالله المهم جلست ليما بكره الساعه 8 الصباح قالوا الحمدلله انتي بخير والتخطيط نشوف فيه ان ماعندك ولاده وكشفت عليا قالت ماشاء الله مافيه ولاده وانا افرح واكتبوا ليا خروج والعصر طلعت وارتحت وماارتحت لان ودي اولد على خير المهم رجعت للبيت هذا يوم الاثنين وصر ت اهتم باكلي لاني نحفففففففففففففففففففت وعندي فقر دم المهم قالت لازم تتغذي وانا ماغير بالحبوب واتغذى لان كنت اسهر وانام وبعد 7 ايام يعني اليوم الثامن يوم الاثنين راح لدوام زوجي وانا اشتغل بالبيت واشيل واحط وارتب وامسح وانظف جا زوجي الساعه 8 الصباح وجاب معاه فطور اقولكم وش:22:كبده صحن وشكشوكه وعدس وانا صلحت الحليب والشاي واكلت وشلتهم وغسلت ونمت وصحينا المغرب طبعا نصلي وجلست الا والمغص ورحت لدوره المياه مافيه وانتم بكرامه وانا اصيح وهو كان يشرب نسكافيه ماتهنى :30: قال وش فيك قلت بطني ياويلي انا ابي اولد والله ماروح للمستشفى قال بلا دلع اركبي قلت لا لا واهرب وانا ميته من الالم والله يابنات جاني خوف موطبعي لان بالولاده المبكره كل شوي يكشفون وانا ماتحمل المهم رحنا وانا صياح بالسياره واستغفر لان حفظت الذكار اللي بالكتاب حق الولاده نسيت اسمه والله عرفتوه ايوه وانا اتشهد وابكي وحالتي حاله جينا للمستشفى قال عربيه قلت لا امشي احسن وانا ادخل على الممرض قال زوجي ولاده ويقيسونن الظغط وكل شي وركبوا لي الاسواره واعرفها لاني خبره فيها دخلت غرفه الكشف واكشفت قالت مفتوح 3 سانتي قلت بعد شكل مافيه ولاده قالت ارجح انك ماراح تولدين اقولكم ليش قالت كذا؟؟؟؟ عشان اول مادخلت عليها جاني عقل فجأه ماصارخت ابد ولااتكلمت قالت ليه ماتصارخين قلت مادري المهم حطت التخطيط وقالت ولاده وحطوا المغذي وقالت تحسي بالم وانا اقول شوي وزوجي يطلع فيني وقال اللي بالسياره وشو وانا اقوله ماصار شي المهم اتكلم وانا اشوف الموت حسبالي ان عندهم شي يأخرون الولاده فيه اذا قلت مايوجعني شي :( الشكوا لله اثاريها فيني فيني واول ماركبت على الكرسي عشان يصعدون فوق ويجي الم قوي وانا يارب يارب واجلس ادعي وادق على زوجي لانه راح يصلي العشاء ومارد وطلعوني فوق بغرفه الولاده ولبست اللبس وكانت فلبينيه مسلمه بعد وهنديه ثنتين وانا انام على السرير واطالع الاالساعه 8 توني قلت متى اولد قالت كل ساعه ينفتح سانتي واحسب لقيت الساعه 3 الفجر اولد وانا ماغير ابكي من الالم جا زوجي قلت انا ابي اموت انا عارفه بس تكفى سامحني قال تبين تولدين ان شاء الله قلت لا انا ابي اموت واقعد اتشهد وهذا حالي ماغير احسب ذنوبي ارجع لكم واقول الباقي