أبي تشجيع؟ جاتني حالة أكتئاب

:44:

السلام عليكم خواتي ..

ودي أحد وحده تدخل تشجعني تعطيني دافع علشان أواصل ...

عندي 3 عيال الله يحفظهم ... 2 يدرسون وواحد عمره 4 شهور .. أقوم الساعة 5 الفجر أصحي البنت تروح للمدرسة ولازم أراقبها ركبت الباص وإلا لا بعدين أجلس أضف البيت ترتيب بس لحد الساعة 7 يروح الولد وأيضاً أراقبه ركب الباص
طبعاً الباص مشكلته مشكله جااااااااااااء ما جاااااااااااااااااااااااااء :06:
لأني ساكنة الدور الثالث وأخاف عليهم من عمال النظافة ((طبعاً بهالفترة يكون الصغير يبغى يرضع أو يغير له ..)):04:

بعدين يصحى أبو الشباب وأكون مسويه له فطور ..تكون على الساعة 8 ..((بعدين يشرف الصغير قومي غيري لي ملابسي ورضعيني ولعبيني .. لين يمل وينام على الساعة 9 ونصف ...

أكون أن دايخة وودي أنام شوي أحط راسي الساعة 10 الصبح وأصحى 11 ونصف علشان أفتح الباب لولدي الصغير توه جاي من الروضة ..

بعدين يبدأ الدوام الرسمي لي ما بين المطبخ :angry: والبيت تغسيل حمامات وتنظيف أرضيات وتغسيل ملابس وكوي وتمسيح وما أخلص من هذا كله إلا الساعة 6 المغرب (( يتخلل هالوقت ترضيع الصغير أو تغيير الحفاظ )) ..

ويكون منهد حيلي مررررررررررررره .. فتره من بعد الساعة 7 بالليل لازم دولاب يترتب درج ينظف .. ستائر تغسل لحد ما تجي الساعة 9 أسوي العشاء لعيالي وينامون وبعدين أسوي العشاء لأبوهم ... وما أخلص من المطبخ إلا الساعة 12 بالليل أمسك فراشي وأنام على الساعة 1 ونصف ليلاً ..

المشكلة أن زوجي موسوس بالنظافة ..مفرش السرير لازم يتغير كل يوم .. فوط الحمام لازم تغسل يومياً ..

طبعاً يغير ملابسه 3 مرات باليوم ..

الأكل ما يبغى صنف واحد لازم أصناف متعدده .. وغير كذا حبذا لو تسوين بين المغرب والعشاء أي نوع كيك، فطائر،

يعني الأخ دقيق جداً بالتنظيف حتى لوحة المفاتيح لازم كل يوم تنظفينها علشان ما تتراكم الأوساخ ..

اللبس إذا طاح على الأرض حتى لوكانت نظيفة يغيره على طول :eek: بصراحة تعبت مرررررررررررررره ما أدري وش أسوي ..

تخيلوا وشلون كان جو الرياض أمس .. يقول لي كل شوي أمسحي الأرضية يعني يبغاني طول اليوم ماسكة الفوطة وأمسح بهالبيت (( قلت له طيب الجو ما تغير مستمر ))

(( يمكن تشوفون موضوعي عادي جداً بس أحتاج لدعم وتشجيع لعلي أستمر على وما يجيني يوم وأنفجر :06:


طبعاً الكثير منا يسوي هالشغل يومياً بس اللي متعبني نظافته الزايدة حتى لو يطيح المنديل على الأرض قامت الدنيا وإقعدت ..