هلا وغلا أختي مسك ...

با النسبة للمساعدة ما في أمل ولا واحد بالمئة ...

ولطفلي أحاول أني أعوده على نظام معين الله يصلحه علشان ما يتعبني ...

الله يعافيك يا رب ..

ما شاء الله عليك أختي أنتي شعلة من النشاط الله يحفظك من كل عين

:27::27:غيرك يكون بيتها معفن واطفالها غير نظيفين شي يقرف
حتى البيت له ريحة موطبعية قولي الحمدلله ع نعمة النظافة

OMM WASN

الله يعطيك العافية بصراحة أنبسطت من ردك ... أحس أنتفخ راسي شوي ..

والله ودي أكون دائماً نظيفة بس أحياناً أكون مرهقة .. وأمل بسرعة

الله يكون بالعون ..

الله يعينك يارب ..
كل شيء يهون اذا عندك أحد يقدر مجهودك .. لكن للأسف الرجال اذا عودتيه على النظافة وكلش زين قدامه يصير يطلب فوق طاقتك ..
وهنا أقول لك .. أنت بيدك تغيرين الوضع ..
قولي له هذا شيء فوق طاقتي .. ضروري يفهم الرجال ان زوجته انسانة ولها طاقة .. ولو بتسكتين والله ما يفهم هالشيء ..
حتى لو ما اقتنع ما عليك منه .. ألزم ما عليك نفسيتك وصحتك ..

بالنسبة لشغل البيت ..
شوفي اختي .. عشان ما تتعبين .. أول شيء لاااازم تاخذين كفايتك من النوم في الليل وأفضل يكون بدري .. لأنه أصح ويخليك تحسين بنشاط .
فاذا جاء وقت نومك أو قبله بشوي ان كنت تحبين تقعدين مع نفسك شوي قبل النوم .. اتركي كل شيء من يدك ..
وما عليك .. العمر يخلص والشغل ما يخلص .. وأنت أهم ..
ومن بكرة الشغل خذيه ببساطة .. كل ما حسيتي نفسك تعبتي ارتاحي شوي .. اشربي بيالة شاهي .. ادخلي النت .. تفرجي على التلفزيون .. أي شيء بس يريح أعصابك .. وبعدها قومي مرة ثانية لشغلك .. حطي عندك في المطبخ مسجل واسمعي محاظرات أو اذاعة القرآن .. والله انها حلوة تفيد وتسوين شغلك بدون ما تملين أو تتعبين .
المقصد انك ما تصيرين طول اليوم في حالة إستنفار ..
هالشيء يتعبك ويتلف أعصابك .. وفوق كذا يزيد عليك ضغط الشغل وتكرهين البيت وشغله .
ابدأي بالأهم .. فالمهم .. واشتري لك غسالة اتوماتيك للملابس ونشاف والله تريحك كثير من هم الملابس وكويها ..
أما عن الأكل فبإمكانك تسوين كمية من الفطائر أو البيتزاء أو السنابون وتفرزنينها بحيث كل يوم المغرب تطلعين شوي منها على الشاهي أو القهوة ..
ومو شرط تحطين فطائر .. عندك بعض الشابورات اللي تنباع جاهزة ومغلفة أشكال وألوان وأنواع الكوكيز ..
ممكن تحطين منها شوي مع الشاهي ..
أو كليجا صغيرة أو معمول جاهز مع القهوة .. يعني غيري مو كل شيء لازم أنت اللي تسوينه .. مرة كذا ومرة كذا ..

أصناف الأكل .. ممكن تسوين شغلات بسيطة وبترتيبها على السفرة بشكل حلو يعطي شكل وكأنك منوعة ..
ممكن تشترين حمص وتخلينه عندك في الثلاجة وتغرفين منه أحيانا على الغداء مع قطع خبر ..
غير الشغلات اللي تتفرزن مرة تريح فتسوين محاشي أو غيره وكل مرة تطلعين شيء أو شيئين وتسوينه مع الأكلة الأساسية ..
مرات تطلعين كم حبة سنبوسة .. ومرات كم قطعة نقت دجاج ( تشترينه جاهز للفريزر ) أو كم حبة محشي وغيرها من الأشياء اللي تتفرزن سواء سويتها بنفسك أو شريتيها جاهزة ..
وفيه بعد الخضار المشكلة المثلجة .. ممكن تسوينها وشغلتها بسيطة وأنت واقفة تسوينها مع مكعب ماجي مع الغداء ..
وممكن تحطين فاكهة مشكلة اللي تجي مقطعة وجاهزة .. تراها تعطي شكل عالسفرة .. وتخدع ..
وممكن تسوين السلطة وتقسمينها .. شوية منها في صحن .. والباقي في صحن ثاني تحطين عليها اضافات ثانية مثل جبنة بيضاء وخبز محمص أو أي شيء ثاني .. وبكذا يحس انك مسوية نوعين سلطة والحقيقة انك مقطعتها مرة وحدة ومع بعض ..
أهم شيء والله طريقة التقديم .. حطي كل شيء في أواني حلوة وبطريقة زينة بيحس انك مسوية بوفيه خخخخخ
ونسيت بعد .. طريقة صرت أسويها وريحتني كثير من الضغط الظهرية وهي اني أنقع الرز في الليل .. بعدين أشخله وأخليه لين ينشف وأدخله للثلاجة ، وأسوي الدجاج بمرقته أدخله بالثلاجة بعد ..
وبكرة أسخن مرقة الدجاج وأكب الرز عليه وبس ..
من جد ارتحت بعد هالطريقة خصوصا اني أضطر أقوم عشان ألحق أسوي الغداء في الوقت اللي ما أكون أخذت كفايتي من النوم .. فبكذا اختصرت الوقت .

ومثل ما قلت لك .. أهم شيء أنت وصحتك وأعصابك والشغل ملحوق عليه .

زوجي يشبه من زوجك في النظافه اذا طاح الثوب على الارض مستحيل يلبسه مع ان الارض نضيفه والثوب نظيف بس يرفع الضغط موسوس نظافه :06:جيت ابي اشيل الهم عنك زدك هم