أبي تشيز كيك رووووعه بالجيلاتين

اهلين إختي هذا تشيز لذيذ وخفيف وسهل

2 كوب بسكوت مطحون يخلط مع زبده ثم يرص بالصينيه

بالخلاط علبة قشطه _ وعلبة نسله الكبيره

ورشة فانيلا _ وعلبة جبن فيلادليفيا 200 غرام

وملعقه كبيره عصير ليمون وتخلطينهم ثم تظيفي عليها

ملعقه كبيره جيلاتين بودره مذوبه في ربع كاس ماء حار

وتخلطينهم مره ثانيه ثم صبيه على البسكوت

وإذا برد صبي فوقه الباي او زينيه على ذوقك

وبالعافيه عليكم ..

رفع <<تموت بالتشيز

حبيبتي الطريقة هذي معتمدتها من زمان كلمة خيال قليلة عليه سويه وراح يعجبك أكيد
المقادير:

2 بسكوت شاي مطحون
ثلاث أرباع اصبع زبدة
2 ملعقة قشطة
رشة قرفة

الجبن:

2 ظرف دريم ويب تخلط مع نصف كوب ماء بارد حتى تتكثف نظيف عليها علبتين جبن فيلادلفيا كل وحده 300 جرام المجموع 600 جرام بعدها الحليب المركز وبعدين نضيف 2 ظرف جيلاتين مذوب بربع كوب ماء حار وخليها في الخلاط عشر دقايق وبعدين بالفريزر ساعتين وأضيفي عليها الباي فلينق أو أي نوع جلي وبالعافية

هاذي طريقة اختي الله يخليها لبناتها ويرزقها الولد ومعتمدتها عندي من زمان وماسوي

الا هي ومضبوطه في الصينيه الي تنفتح الوسط الطبقه الاولى بسكوت مكلفنز الاحمر

نصف علبه مع نصف علبه بسكوت شاهي عادي اصبع زبده مذوبه

اول شي اطحني كل البسكوت في المكسر وضيفي الزبده شوي شوي الين تتشرب الزبده

صفيها بقاع الصينيه

الطبقه البيضاء

في الخلاط علبتين قشطه ومغلفين دريم ويب وعلبه ونصف جبنة فلادلفيا ولا 12 حبه

جبن كيري الوسط الفلادلفيا وجلاتين ظرف كامل وعلبة نستله وسط ونخلطهم زين

ونصبهم واذا صارت مره ثقيله حطي في علبة القشطه مويه بارده وصبيها عليه لازم

يصير قوامها كريمي وتصب فوق الطبقه الاولى وتخلينها بالفرن على درجه متوسطه اذا

كهرب 300 وحطيها في الشبك في الوسط الين تحسين انها تماسكت شوي اتركيها برا

الين تبرد وغلفيها ودخليها للثلاجه لمدة يوم كامل

الطبقه الاخيره طبقة الصوص
ممكن تستخدمين الجاهزه المعلبه وهي خاصه بالباي والفطاير او انتي تسوينها وحلوه

طبعا شغل البيت غير فراوله خذي عشر حبات من الفراوله مع نصف كوب سكر

وعصير نصف ليمونه وربع الكوب ماء وخليها على النار الين تتكاثف بعدها رجعيها على

النار وحركيها شوي وممكن تخلين فيها قطع فراوله وخليها تبرد وصبيها على التشيز

كيك كاطبقه اخيره ولا سوي جلي بس ثقليه مع كوب مويه الكوب الصغير طبعا حق

الشاي الي يجي مع السفره دايم وفنجال سكر وخليه يغلي واذا ذاب السكر والجلي خليه

يبرد شوي بعدها صبيه بالملعقه شوي شوي ودخليه للثلاجه وتركيه بعد اربع ساعات اقل

شي وافتحي الصينيه وقدميه مره يطلع حلو ومتماسك لانه الجلاتين والحليب المركز

بيمسكونه وكذالك الجبن

ما شالله كذا طريقه اسهل من بعض لي عوده لنقل الطرق وشاكره لك يا صاحبة الموضوع