أبي تعطوني معلومات عن المكياج

شوفي كبداية خدي ماركة متوسطة السعر زي نيفيا أو بودي شوب أوممكن كلينك بس أنا ماجربتها

أشتري أساس وبودره وكنونسيلر ورج ماسكرا وعلبة ظل أبو أربعه ألوان بلاشر بمبي ومشمشي ومحدد شفايف على حسب لون الروج

1- الكونسيلير
حطي على الأماكن اللي فيها عيوب في وجهك نقط بعدين وزعيها الين يختفي العيب

2- الأساس
خذي اللون اللي يجي معاكي أما طيف تستخدميه
حطي في راحة يدك شويه وبعدين بأصباع من اليد التانيه حطي نقط على كامل الوجه مثلا (نقطتين على الجبين والخشم نقطه الخدود ثلاث أوأكتر زي كده يعني على حسب مساحة الوجه وبعدين وزعيه ياأما بيدك الين يغطي الوجه أو بإسفنجة الأساس وإذا شفتي في مكان ماتغطى حطي تاني في راة يدك وأبدأي عبي الفاضي ) هادا الوجه أما الرقيه كمان حطي في راحة يدك كميه مناسبه لتغطية الرقبه وأمسحي بيها رقبتك من فوق عظمة الترقوه الين الدقن يعني من تحت لفوق الين تتغطى

3- العيون
بماإنك مبتدئه بس حطي ظل على الجفن المتحرك الين تتقينيه تبدأي تتعلمي الباقي (الجفن المتحرك الي هو الجزء المنفوخ من الجفن)غطي الجفن تماما وممكن تعملي طبقتين عشان اللون يكون قوي وكحلي عينك عادي وإذا تبغي تحدد العين بنفس قلم الكحل أرسمي خط في الجفن قريب من الرموش من الزاويه الداخليه للعين الين الخارجيه يعني نهاية العين ومن تحت نفس الخط وقفلي الزاويه الخارجيه بس لا تعرضيه لأنه بالبدايه

4- البلاشر
إضحكي وحطي على التفاحتين أوالعظمتين زي اللي في الصوره شايفه فين البلاشر


5- الروج
أكيد سهل وتعرفيله هو والمحدد

إن شاء الله أكون أفدتك وإذا في سؤال إحنا في الخدمه

نفس حالتك وصرت اخل مواقع تعلم واتابع واراقب
وبروح لجرير اشتري مجموعة سيديهات تعلم لعبير الياسين
وارتاااااااااااح

الله يجزاك خير أختي ( dr.weza )
والله أنا الحين مستانسة لأني عرفت هالأشياء
و أن شاء الله في ميزان أعمالك .

شكرا dr.weza

والله استفدت منك..