أبي حل أبو زوجي لوع جبدي.......؟

واللي يعافيكم بنات أبي حل أبو زوجي كرهني عيشتي يعاملني جني أصغر عياله أنا أحترمه وأقدره بس أهو ما يحترمني كل همه الفلوس إحنا عايشين على قد حالنا
أنا ربه بيت وعايشين على الله ثم على معاش زوجي بس أبوه مو مخليلنا شي بالماعاش بالرغم أهو مو محتاج ولا شي وماعليه قاصر بس يموت بالفلوس بشكل مو طبيعي المفروض يساعد ولده لا أحتاج أهو بس ياخذ وعمره ما قال أخذو وحتى باجي عياله هم خذا منهم فلوس وأنا اللي قاردني إني ساكنه معاهم بنفس البيت وهو ياخذ منا فلوس على بو أنه أجار لأنه ساكنين عنده بالبيت أول مره أشوف أبو يسكن ولده عنده وياخذ منه أجار وفوق كل هذا شرا سياره وحط أقساطها على زوجي وحتى خالتي اللي إهي زوجته مسكينه على نياتها يوم باعو بيت أبوها ووزعو الورث خذاه كله وسدد قصد السياره والباجي حطه بحسابه وما خله لها ولا فلس وفوق كل هذا البيت يبيله ترميم وإذا قالو له رمم بيتك قال عطوني فلوس عشان أرممه وخذا من زوجي ألف دينار بحجه أنه يعدل و(أنتو بكرامه)حمانا والمطبخ هذا الحجي من ثلاث سنين ولحد الآن ما سوى شي ويوم قلنا له قال متى عطيتوني فلوس وحتى أبوه خذا من أخوه نفس المبلغ ........حتى كرهت أقعد مع أهل زوجي دام أهو موجود وفوق كل هذا أهو دين من البيت للمسجد وكله معتكف بداره يقرا كتب دينيه على الطل وطول اللحيه على الفاضي حتى دشداشته مقصرها (من كثر ما يغسلها كشت) والله حدي منقهره كرهته كره العمى بس المشكله أنا قلبي طيب لا شفته أسلم عليه :( عشان زوجي بس واللي يعافيكم شنو الحل معاه ........... :icon33: