هيفاء نجد :

الله يهـديك اختي كــوني حيث يكـون زوجــك مــو أنتـي تقولين طيب وحنون وووو خذي الأمور بطيبه وهداوه وبزينة نفـس الشيطان يكبر لك المـسائل أجل حاطه في بالك ان اخته تجـلس سـاعه بالحمـــام !!! الله يهديك بس بعدين واضح من كلامك ان مافيه غيره اخـوان وشـلون تبينه يروح ويتركهم حــريم لحالهم وين الانسانيه أنتي ربي اعطــاك الزوج الحنون الطيب ورزقك الذريه أشكري الله عليها وأقتنعي باللي عنــدك مو بس تفكـرين براحتــك اللي ممـكن تتـعس غيرك وانتي توك ببداية زواجـك مع تــقدم العمـر وكـثرة الاولاد راح تحصـلين سكـن لحالك طال الزمن ولا قـصر فلا تنـغصين العيشه على زوجــك وأهله وخليـك حسنة المعـشر وخليهم يذكـرونك بالخيـر دامــك عنـدهم مــاضر عيالنا أول كـــان بيت كبير فيه اخوان واخوات وفوق كذا فيه اخوان متزوجين ساكنين مع اهلهم وكل واحد بغرفه وحده هو وعياله وهالعيال اللي تربوا بهالعيشه هـم ارجل وأحسـن من عيال هاليومين هـي الدنـيا ماراح نعيشها الا مـره وحده ولازم نتـكيف مـع وين ماتوديـنا الدنـيا الله يجعلك من كل هم فرج ومن كل ضيق مخرج ومن كل بلاء عافيه

الله يهـديك اختي كــوني حيث يكـون زوجــك مــو أنتـي تقولين طيب وحنون وووو خذي الأمور...

rawanooo :

هيفاء نجد أولاً أختي الفاضلة الله يهديني ويهديج ويهدي المسلمين أجمعين ، فالهداية زينة ثانيأ يا أختي واضح من خلال ردج انج مو فاهمة ومستوعبة الموضوع عدل ، ولا ماكان رديتي علي بهالرد اللي ظهرني ظالمة لزوجي واهله شوي ، مع اني بعيدة عن هالشي تماماً ، وانا كل اللي سويته اني شرحت وضعي ومشكلتي أملا في ملاقاة بعض الردود اللي تساعدني اني اصبر وتخفف عني ، وردك ما حسسني إلا اني ظالمة وأنانية ، واسمحي لي بس من حقي أدافع عن نفسي وموقفي ، وهذا دفاعي كالآتي : أمّا قولج عني اني حاطة في بالي " حمام الساعة " ، فأنتي حطي نفسج مكاني وقولي لي يعني مثلا انت كنت على وشك الخروج والحماة العزيزة قاعدة تستمتع بالحمام المغربي بتاعهها على حساب غيرها وهي عارفة انو في غيرها بالبيت أو مثلا ولدي اللي يصيح ويبيني ابدل حفاظته ومنزعج وهي على ما تخلص الزيوت والمستحضرات كلها يبي لها ساعة ، قولي لي بس منو اللي يبي له الهداية ؟؟؟؟؟؟؟؟؟؟ ، واضح انك مو فاهمة وحاطة نفسك بالصورة ، لا ولين تطلع يقول لها زوجي تمي ساعة بعد تو الناس ، ترد عليه بكل برود وتكبر ( انا خلصت ولو أبي جان قعدت أكثر ، وكيفي ) حق اخوها العود ، وتقولين لي مو حاطة في بالي إلا أحط في بالي ونص ، ولا تبيني اصير انسانة سلبية لا إحساس ولا مشاعر وأي أحد يبي يسوي اللي يسويه يسويه بدون مراعاة للي حواليه ؟؟؟؟؟؟؟ ، باين انك مو متزوجة أو انك مرتاحة ومتقبلة وضعك في الزواج أو انك خذيتي الموقف من جانب اهل الزوج بدون ما تنضرين لجانبي ، وبعدين حبيبتي لو انتي قارية الرسالة عدل جان فهمتي وعرفتي انا شلون متفهمة وضع زوجي كوحيد بين امه وخواته مثل مارديت على الأخت ( أحلى أنوار ) لين قالت لي : " لازم ابوج يكلمه وانتي دوري على بيت ثاني وساعديه يمكن موفاضي " وانا رديت عليها : " انه ما يبي يشيل يده عن اهله وانا مقدرة هالشي لأنه وحيدهم يعني ما يصير يهد الحريم بروحهم بدون محرم وما يصير مني أصير أنانية من ناحيتي وأصلا اهو مستحيل يسوي هالشي ...... إلخ " ، وإذا مو مصدقة كاهي الردود فوق ردي لها !!!!!! . وشنو كلامك ( وين الإنسانية ) أنا مرررررررة منزعجة منها ، أبي أعرف انتي قارية الموضوع عدل ولا داشة حاطة مشاركة مني والطريق ؟؟؟؟ ، لا ومطلعتني بمظهر عديمة الرحمة وانا اللي مستحملة 3 سنوات في غرفة كأنها جحر ، سمحي لي بس ابي ادافع عن موقفي ونفسي جدام بنات المنتدى حتى ما ياخذون النظرة اللي صورتيني ابها على محمل الجد !!!! ، ولا كلامك اني ما أفكر إلا براحتي اللي ممكن تنعس غيري !!! ، :frown:( مع اني مشاركة بمشكلتي هاذي لأني منعسة ومريحة غيري ) هههه ، وابي اللي يخفف عني ولا انا حجر ما أحس ، ومثل ما يقولون للصبر حدود ، خلاص هالثلاث سنوات اللي جريب تصير أربع كافية تحملت وايد نفسيا ، الصراحة حسستيني اني ما اسوى شي وانه الجناين طايح ودايخ حظهم في هالدنيا ، يمكن انتي خلفيتج الإجتماعية غير ، يمكن انتي ترتاحين في الأوضاع اللي انا عايشتهه ، أما انا فلا ومالج حق تتهميني اني عديمة انسانية واني انعس غيري وما اجوف الا راحتي ، الصراحة ما راح اتنازل عن رأيي وانتي كيفج لج حرية ابداء الرأي بس بدون ما تتهمين وتجرحين وايد ، وانا اصلا ما راح يحصل زوجي واهله وحدة تريحهم كثري واحسن مني في حسن المعشر على قولتج وانا اعرف نفسي اكثر منج ولا نغصت العيشة عليه ولا اهله وتطمني ذاكريني بالخير ليل نهار ، وشكراً لج .

هيفاء نجد أولاً أختي الفاضلة الله يهديني ويهديج ويهدي المسلمين أجمعين ، فالهداية زينة ثانيأ يا...