أبي دعوة من قلب صادق ..محتاجة الوظيفة لكن الشكوى لله

السلام عليكم

خواتي ابي دعوة من قلب صادق ان اتوظف وأعز نفسي وعيال من منة الناس

انا ادعي واستغفر كثير لكن لعل منكم من تكون مستجابه الدعوة

انا مااشحد احد الحمدلله لكن زوجي تارك للوظيفه والصرافه مصفره واهله يصرفون علي انا وهو والعيال عندي خمسه اطفال لكن اسمع نغزات وتمنن بالصرفيه علينا من امه لكن ان جاء زوجي تسكت ماتقوله شي ليش انا وش بيدي

تعبت نفسيا ابكي وفي هم مايعلم به الا الله

عندي اهل ولو اطلبهم بيعطوني

لكن لو تجريت اليوم وطلبت بكره مابتجرأ

نروح مع اهل زوجي سوق اتمنى اشياء واطالع لكن ماعندنا شي وابكي افتكر ايام ماكان زوجي موظف

حتى عيالي صارو يطالعون في الاشياء ويسكتون مره ولدي قال ودي اشتري لعبه بس عشان ابوي خلصت فلوسه بلاش بس ماعليك مابطلب احد ابدا وان شاءالله اكبر واشتري لك كل اللي تبغينه على باله بيكبر بكره الله يخليه لي

لاني اهاوشهم لو طلبوا احد

الله يفرجها علينا

ابي بس تدعون لي بالوظيفه عندي بكالوريوس لكن الله ماكتب لي اتوظف

شاكره لكم