أبي رأيكم باللي صار بيني وبين أم زوجي <<طلبتكم تدخلون

هلابكم حبيبااااااااااتي
اانا اليوم أبي رأيكم لأني ابشوف وش أقرر أكتم غيظي ولا افجره،،
أنا وزوجي وأهله حياتي عال العال،لكن امه الله يهديها دائم تحب تنرفزني ومو أنا لوحدي كل حريم عيالها مع أنها ماتروح عليها بس اللي ب قلبها تقوله ما عندها ف أحد،


لكن أنا سويت معاها شئ محد ب يسويه معاها لين تموت قدرتها واجد وما اعتبرها إلا زي أمي لكني بيني وبين نفسي تعبت وأنا أجاهد نفسي وأحاول مارد عليها واتغاظى وكني ما سمعت،وهي لني مارد وما تدري أني أزعل مستمره وما عندها مع أن كذا مره قالها زوجي وتشوف نئ بعد بس ولا على بالها،،


المهم واللي أبي رأيكم فيه انو كان عندنا عزيمه واحد وزوجته المهم وأنا مشغولا بالعشا والتجهيز بنتي ومعها عيال عمها طيحو التلفزيون من فوق المكتبه وأنا جئت مخترعه ولما أنحنيت أشيل بنتي أشوف عسى ماصار لها شئ ماحسيت إلا ويدها على ظهري وبقوه أنا انعميت لكني بلعتها عشان الحرمه اللي موجودة ،،

تقول ليش مانتو شايفين البزران لأني كنت أنا وسلفتي بالمطبخ لكن ليش ما مدت يدها إلا علي أنا خيييرررررررر شايفتني قاعدة العب ،

المووهيم،أني قلت اللي صار لزوجي وزوجي يقدرني واجد ويحترمني وحاسب لي تقديري لأمه وصبري عليها وماكان بيده إلا انه عطاني 10 آلاف وقلت حتى لو أخذها والله مانسالها ها لحركه اللي تقهر قدام سلفتي والحرمه وهم أكيد بينشرو السالفه،

أنا الحين ابتكلم مع بنتها لأننا نمون والله كنت معاهم مره بس بدا يقل حبي لهم من كثر ما شفت منها لازم يوميا تسمعني كلمتين مؤ حلوين وانتقادات وووو

وأنا وربي مؤ مقصره لكن غلطي الوحيد أني جرأتهم على نفسي وهم ناس مضطربين شوي يمدحونك وشوي يسبونك واللي بقلوبهم الله اعلم به لكن الناس يقولو أنها تحبك ومدري ايش بس أنا ايش الزمني بحبها إذا ماحترمتني ف هي ما تحبني ً،،
وبناتها على أنهم يقولو تحبك وأختي أحسن حريم إخواني بس أنهم عند أمهم ما عليهم اهم شئ هي مع انه مابيرضيهم اللي صار لا عرفو بس مايقدرو يغيروها ،والمختصر المفيد أني أبيهم يعرفوا أن زوجي أرضاني ب 10 وانه ما رضاه اللي صار بس عشانها امه ما علق عالموضوع لانها تزعل إذا قالها شئ ،ف أنا إذا قلت لهم أكيد ببيقولو لها وهالشي كبير بالنسبة لهم ويخليهم يحسوا ب حجم غلطها وأكيد ب تتوب وأكيد ب تحقد علي لأنهم يتوقعوني ضعيفه وانهم مستغليني وما قدر اخليه يرضيني ولا ما اقدر ارد عليهم كلمه ب كلمه وب يصيرو يحسبو كلامهم وحركاتهم واقهرهم مثل ماقهروني ،وأنا قلت لزوجي أني بقولهم وقال لي من حقك ،،
وأنا محتاره ودي احرهم وودي أكتم غيظي وهل يعتبر من كتمان الغيظ إذا ماقلت لهم ،،

معليش اول مره استفسر واكتب كثير ،،بس ي ااااليت تردو رأيكم يهمني لأني فيني حره من سنين أبي أبين لهم أن ماني ضعيفه ،،،

استغفر الله الذي لاإله االا هو الحي القيوم وأتوب اليه،،