"أبي رأيكم بصدق، لأن قلبي مو قادر يتحمل أكثر 💔"

أنا أحب شخص سوري الجنسية، عمره ١٨، طيب جدًا، محترم، راقي، يخاف الله، ومو مثل أغلب الشباب… يحبني بصدق وأنا الأنثى المثالية بنظره، وهو الرجل المثالي بنظري.
لكن المشكلة إنه عاطل، ومكتئب، ووضعه صعب جدًا، ويحتاج يرجع لسوريا يكمل دراسة تقريبا ١٥ سنة عشان يوصل للي يبيه.

أنا سعودية، عمري بيكون ٢٣ تقريبًا وقت ما يبدأ هو دراسته، وأعرف إني ما أقدر أرفض الزواج طول هالفترة، وأهلي رافضينه تمامًا من البداية عشان جنسيته ووضعه.

أنا عاقلة وأفكر بالمستقبل، وأخاف على أطفالي يكونون بدون جنسية، ويتعذبون بالحياة، وأخاف أخسر أمي وأخواتي لو هربت وتزوجته، وأخسر جنسيتي ومميزاتي ومستقبلي… بس قلبي مو قادر يتخلى عنه، أحبه جدًا، أحسه قدري، أحسه الرجل اللي ما يتكرر.

هل أضحّي بكل شيء عشانه؟
ولا أضحّي فيه عشان ما أضحي بنفسي وبأهلي وأطفالي؟
وش راح تسوون مكاني؟